والله يا اخي انا بقلك شو عم اعمل وبتوقع رح تستفيد بس لازم اهم واول شي تحارب الخوف يلي رح يصيب المتاجر اثناء عمله على "الحساب الحقيقي" طبعاً ما ما عم اخوفك بس هي مرحلة ضرورية ومتلازمة لكل تاجر لانو شعورك بالديمو مختلف تماماً عن شعورك وانتا عم تشتغل على حقيقي ولازم تعتمد مبدء صارم بادارة راس المال وبتوجه لسؤالك الاساسي بالنسبة للتحليل يلي تعلمتو حضرتك كتير مفيد بس بتوقع لازم تكون منتهج استراتيجية متل ماقالت الاخت oshee طبعاً موجود استراتيجيات كتير بس انا اهم وحدة عندي كانت للاستاذ جمال ممدوح وشارتي متكون من هي الاستراتيجية بالاضافة لمؤشر الرينج اليومي وحديثاً اضفت مؤشر RSI ومؤشر الموفينج افريج 200 و 100 و 35 ومؤشر البولينجر باندز ويلي بستفيد من كل شغلة بالشارت الموجود عندي هو مؤشر ال RSI بيعطيني بداية الترند واستراتيجية الدكتور جمال بتعطيني افضل نقطة دخول مع الستوب لوز اللي هو عادة مابيتجاوز ال10 نقاط الا انو احتياطاً بحط 20 نقطة ومؤشر الرينج اليومي بحدد من خلالو التيك بروفيت "وفي حال ما توافق مؤشر RSI مع استراتيجية الدكتور جمال " ممكن البولينجر باندز يعطيني افضل نقطة دخول وممكن الموفينجات وممكن الدعوم وممكن حركة الرينج اليومية في حال استنفذ الزوج النقاط اليومية اكيد رح يبلش يروح عكس الاتجاه الاخير ومؤشرات الموفينج بيعطوني فرص لتعزيز الصفقات ، وبالنسبة الهارمونيك انا صراحة الشخص الوحيد يلي متذكرو علمني الهارمونيك هو cow boy وهو بهل منتدى والصراحة انا طالب كسول بالنسبة لهاد التحليل غير انو اشكال الموجات بعرفن وبفيدوني كتير وخاصة اذا توافقت الموجة مع مؤشر RSI هههههه طبعاّ مع الاسف سبب اعتبار نفسي انو كسول بالنسبة للهارمونيك هو انو انا بس بعرف الموجة العامة والموجات الصغيرة سواء تصحيح او مع اتجاه الموجة العامة وكل موجة صغيرة لا تتعدى خمس تحركات مختلفة بين صعود وهبوط
طبعاً استراتيجية الرينج اليومي للدكتور جمال ايضاً على ما اذكر...
وبالنسبة لراس المال لازم تحسب اولاً واخيراً المارجن والستوب لوز وانا برايي تدخل لصفحة حاسبة التجار على صفحة FXDD وبتقدر تحسب (قيمة النقطة ،مستويات البيفوت، المارجن...الخ)
وعلى حسب راس مالك تدخل حجم الصفقات يعني ما معقول تدخل ولو حتى 0.05 لوت بحساب ما فيو غير 100$
وبإذن الله رح تدعي للدكتور اسامة والدكتور جمال وناقل موضوع الدكتور جمال الاخ الاسكندري والاشخاص الافاضل يلي بيطرحو العلوم يلي جمعوا على مدى سنين من حياتن وعلى حساب صحتن.
ملاحظة صغيرة بس: كلامي كلو ما اتوقع تفهمو منيح بس بنصحك بموضوع استراتيجية الدكتور جمال
شرح استراتيجية دكتور جمال ممدوح بتوقع حركة السعر القادمة
وموضوع مؤشر ال RSI يلي افادتني فيو الاخت oshee الله يجزيا الخير لانو بسببا عرفت ارجع راس مالي لحد اليوم الماضي بعد يوم عصيب جداً من الاحباط والخوف يلي لازموني
~¤§¦ *اكتشف اتجاه السوق (الترند الحالي) بواسطة مؤشر RSI*¦§¤~
وموضوع الهارمونيك للاستاذ cow boy جزاه الله الخير :
شرح استراتيجية دكتور جمال ممدوح بتوقع حركة السعر القادمة
وبس اضافة بسيطة من موضوع البرايس اكشن انو في شمعة اسما falling of the roof وعلى ما اعتقد مشروحة باستراتيجة الدكتور جمال بالنسبة لشكلا ،وهي مفيدة كتير صراحة انا التمست انو مفعولا سريع الذوبان هههههههههههه عفواً سريع التفاعل وخاصة اذا توافقت مع مؤشر RSI يا سلااااااااااااااام انتا وقتا بتكون جبت الترند من لما ولدتو امو
المهم اخي تابع وادرس منيح هالموضيع وارجع لهذه المشاركة رح تفهم طريقة عملي ككل
وعذراً للاطالة بس حبيت اساعدك والله يكون معنا ويوفقنا ويرزقنا اجمعين