إن اعتبرت الفوركس كنز فسيصبح كابوس ..
وإن اعتبرته وظيفة سيكون لك ذلك بالتأكيد ..
خارطرة رقم " 9 "
موضوع اليوم عن ..
أعتبر نفسك موظف !!
يعني ايه اعتبر نفسك موظف ؟؟!!
هقولك انا يعني ايه ..
ايه رأيك نتكلم عن أ/ شوقي ..
أ/ شوقي ده مضارب في الفوركس كان عنده حساب فيه 2000 دولار كان كل يوم يصحى الصبح ويكسل يشوف الشارت أو حتى يتابع الاخبار وكان ينزل يروح شغله يلاقي زميله في الشغل كسب امبارح حوالي 200 دولار هو بقى يقول لنفسه انا لازم اكسب النهاردة ( مش علشان يعند في زميله ) علشان هو قال بينه وبين نفسه ازاي انا بعرف احلل وعندي حساب ومكسبش طبعا فتح الشارت قدامه وأوهم نفسه بالفرصة ودخل فيها ..!!
بعد شوية لقي نفسه خسران الصفقة بعدها بشوية تاني قال برضه هدخل بس بعقد مضاعف علشان اعوض الخساير وبرضه خسر !!
قال لنفسه خلاص كفاية كده مش هدخل تاني .. طبعا بعد الخسارة دي ترك السوق لفترة حوالي 3 ايام بعدها رجع تاني وحلل المجنون وكانت فيه فرصه فعلا عليه بس هو قال لنفسه لأ دي مش فرصة بعدها بشوية طبعا الفرصة راحت عليه .. وشاف الزوج فعلا وصل للهدف زي ما كان محلل طبعا هيصاب بحالة من الغضب الشديد لذلك دخل مرة اخرى ولكن إيضا لم يحالفه الحظ واستمر ع هذا إلى أن خسر جميع نقوده ..
طيب ازاي اكون موظف ؟؟
بإنك كل يوم الصبح ( مثلا ) هتقوم تفتح الشارت وتشوف ايه اخر التحركات وتتوقع وتشوف اخر الاخبار الاقتصادية وبعد ده كله هتشوف قرارك ايه ..
وبعد كده هتلاقي نفسك بعد وقت معين بتفتح الشارت تاني علشان تشوف اخر التحركات .. وتتابع مع الاغلاقات وهكذا وتكون ع علم كامل بكل اللي بيحصل حوليك
ساعتها بس الفوركس هيكون وظيفة ليك علشان انت احترمتها ...
انتظرونا في خواطر آخرى قادمة