=== رؤية لســـوق الفوركس ===
السلام عليكم
*باذن الله تعالى شهادة برنانكى بخصوص العقارات والتعليق على الدفعة التانيه من التخفيف الكمى هتكون اليوم الساعه 5 بتوقيت مصر +2 جرينتش وربما تغير من ضيق التداولات
بوجه عام ربما لا جديد ف تعليقاته لكن عضو من الاعضاء اقترح ان تكون الدفعة التانيه من التخفيف هى اخر دفعة يتم ضخها بجانب تقليل الكمية المقرر ضخها - معروف ان التخفيف الكمى مش ف صالح الدولار على المدى القصير بسبب توافر سيولة كبيرة ف السوق وعلى المدى المتوسط بتنعش الاقتصاد" ماكينات الطبع بتقوم بالواجب والدولار هو الضحية"
والتخفيف الكمى عمليات ضخ للسيولة من خلال شراء السندات لتحريك السوق وانعاشه ومكافحة اى ركود او انخفاض ف الاسعار لكن بنفس الوقت التشديد الائتمانى ف امريكا ما زال ف اعلى مستوياته
بالنسبة لشهية المخاطرة فإنها انخفضت ف رؤيى الشخصى "لكن ما زالت قائمة" بسبب رفع الفائدة من قبل الصين 0.25 % امس ودا له تاثيره ف نمو السوق الصينى وبالتالى بيسبب قلق من قلة الطلب على السلع الى حد ما لكن بوجه عام الفائدة ف الصين منخفضة بالنسبة للمعتاد رغم رفع الفائدة تلات مرات متتالية بسبب ارتفاع الاسعار ف الصين
، والتاثير على عملات السلع نتيجة القرار كان وقتى وعاودت الارتفاع بعد انخفاض كبير وقت الخبر " الاسترلينى والكندى من العملات المربوطة بالسلع واللى بتتاثر بشكل مباشر بالطلب الصينى خصوصا والعالمى بوجه عام على السلع زى النحاس والبترول والسلع الرأسماليه "
*اما الاسترلينى اعتقد ان مشروع رفع الفائدة انتهى واتاجل للنص التانى من السنة على اقل تقدير ودا طبيعى بعد البيانات السلبية اللى خرجت طول الشهر اللى فات وشهر فبراير وان كان البعض بيربط بين سلبية الاقتصاد الى مشاكل الثلوج ف انجلترا اخر السنه
والتضخم رغم انه مشكلة حاليه لكن رفع الفائدة له سلبيات ربما اكتر من التضخم وحاليا اصبح هناك عضوين بينادوا لرفع الفائدة لكن بامر الله اولا اصبح شبه مستحيل رفع الفائدة ودا سبب عدم الاقبال على الاسترلينى اللى فقد مستوى 6100 بشكل كبير
*اليورو ما زال بين 3610 و 3660 واعتقد ان اى صعود لمستويات 3680 هيقابلة اوامر بيع كبيرة تدفعه تانى لمستويات 6120 اللهم ان جد جديد باختراق 3700
تقريرى رؤية شخصية للسوق اليوم والله تعالى الموفق
دمتم بخير
