لعلنا اتفقنا ياصديقى اللورد ..ان العلماء والمحللين
قد استاءوا مما يفعله مؤشر المتوسط الحسابى البسيط
وكان لابد ان يعالجوا هذا الأمر
وبحثوا وفتشوا عن سر أخطاء هذا المؤشر فوجدوها تكمن
فى شئ مهم وهو انه يعطى وزن نسبى لكل الفترات ..
سواء كانت ايام او ساعات ..اليوم الأول فى هذا المؤشر
له نفس الوزن النسبى لليوم الأخير ...وبالتالى فهو لا يعطى
لأسعار الحاضر اهمية عن اسعار الماضى ..
أضف الى هذا فى حالة الفجوات الرقمية المؤشر يكون بعيدا
طيب هاتوا نشوف المعادلة بتاعة المؤشر نشوفها
قالك ده اسمه مؤشر المتوسط الحسابى البسيط
ايوة ياسيدى هو انا قلتلك اسمه حمادة ..مانا عارف انه بسيط
اه تقصد انه بسيط حتى فى حسابه ..نعم ياسيدى
فمعادلة المؤشر عبارة عن جمع اسعار الأيام المختلفة للفترة الزمنية
ثم نقسمهم على عدد ايام الفترة الزمنية
يعنى 10 و 20 و 20 و 50 مجموعهم 100
طيب كام يوم 4 ...تمام نقسم ال 100 / 4 = 25
يبقى المتوسط الحسابى البسيط 25
العلماء بصوا على ال 25 ..واستاءوا أكثر ..ايه ده
ال 25 بعيدة تماما عن السعر الحالى اللى هو ال 50
لا ياسيدى احنا هانعمل مؤشر وهانسميه المتوسط الحسابى الأسى
طيب وهاتعملوا معادلاته ازاى ...قالك احنا عاوزين نتلافى حكاية
اليوم الأخير ديه ..علشان كدة هانعمل وزن نسبى لليوم الأخير
اعلى من الأيام السابقة عليه .
طيب ياسيدى ..هاتعملها ازاى ..قالك بسيطة
اول حاجة هانحسب المضاعف ..او النسبة المئوية الأسية
وديه هاتحسبها ازاى ياافلاطون عصرك واوانك
قالك ابدا ..انا هاشوف الفترة الزمنية اللى هاتشتغل عليها
وهاعمل المعادلة التالية ..
المضاعف = 2/ ( عدد الفترة الزمنية + 1 )
يعنى لو افترضنا الفترة الزمنية 5 ايام
يبقى المضاعف = 2/ ( 5 ايام + 1 )
يعنى 2/ 6 = 0.33 ...تمام
طيب لو افترضنا الفترة الزمنية 9
يبقى المضاعف = 2/ ( 9 ايام + 1 )
يعنى 2/ 10 = 0.2 ...تمام
طيب لو افترضنا الفترة الزمنية 19
يبقى المضاعف = 2 / ( 19 + 1 )
يعنى 2/ 20 = 0.1
* معنى ذلك اننا كلما زودنا المدة الزمنية قللنا من المضاعف
او مايطلق عليه النسبة الأسية ..
فنجده فى ال 5 ايام 0.33 وعند ال 9 ايام 0.2 وعند ال 19 يوم 0.1
طيب احنا عاوزين نحسب المتوسط الحسابى الأسى
للمثال السابق الذى عملناه مع المتوسط الحسابى البسيط
والذى كانت ارقامه 10و 20و 20 و 50
كان المتوسط الحسابىالبسيط كام ...25 ..تمام
يبقى معانا مضاعف ال 5 ايام كام ..0.33 ..ومتوسط حسابى بسيط 25
الخطوة الثالثة ايه ..هاضرب المضاعف * المتوسط الحسابى البسيط
يعنى 0.333 * 25 = 8.32
بعد كدة المضاعف اللى هو 0.333 الفرق بينه وبين الواحد صحيح كام
يعنى 1 - 0.333 = 0.667 ..تمام
هاضرب النتيجة الأخيرة ديه اللى هى عبارة عن فرق المضاعف عن الواحد صحيح
هاضربها فى ايه ....فى اغلاق اخر يوم اللى هو عندى فى المثال 50
يبقى 0.667 * 50= 33.35
تمام كدة هاجمع فى الخطوة الرابعة ال 33.35 + ال 8.32 = 41.67
يعنى ببساطة بعمل مضاعف واضربه فى المتوسط الحسابى البسيط
وفرق المضاعف عن رقم الواحد اضربه فى الإغلاق لاخر يوم
ثم اجمع الناتجين يطلع لى المتوسط الحسابى الأسى
وهو هنا كام 41.67 بينما كان المتوسط الحسابى البسيط 25
فى حين ان اخر سعر هو 50 ...لذا ستجد ان قراءة المتوسط الأسى
كانت أفضل وتلافت عيوب المتوسط الحسابى البسيط
رد: نظرية التحليل الرقمى للفوركس وتطبيقاتها
