السكينة سارقة ناس كتير ومتناسيين ان جلب المنافع مقدم على درء المفاسد . وهقول لسعادتك السبب فى الأخر الناس دى بتعمل كدا ليه ومصممه على أستمرار الخراب ليه حقول لحضرتك . وهم على فكرة معذورين لكن مصر أهم من اى حد دلوقت .
 |
 |
|
 |
|
- الناس اللى بتقول يرحل يرحل دى مبتفكرش ابدا ... هو فاتح كشك سجاير هيقفله و يرحل ؟؟؟؟؟؟
- واحد بيحكم البلدمن 30 سنة هيمشى كده فى يوم وليله ؟؟؟؟؟؟
- اللى مش عاجبهم الخطاب وبيقولوا ده تحايل و ده خداع و عايزين ضمانات ... ضمانات ايه اكتر من إنه خطاب فدام العالم كله؟؟؟؟؟؟
-المؤيدين و المعارضين و المرتشين و كلهم على بعض مش حاسين بالكارثة الأقتصادية اللى إحنا هنعيشها الايام اللى جايه؟؟؟؟
- الناس اللى فى ميدان التحرير واللى صبروا 30 سنة زى الخرس مش قادرين يصبروا 7 شهور ... ولا هو ميدان التحرير هيطير ؟؟؟؟؟
- اللى بيدعوا لجمعة الغضب .... مينفعش نغضب الجمعة اللى بعد الجايه او اللى بعدها او اللى بعد بعدها؟؟؟؟؟؟
-اللى راكبين دماغهم من المؤيدين والمعارضين ..... هتبقى نبسوط لو واحد من اللى بيموتوا دول صاحبك ولا اخوك ولا قريبك ؟؟؟؟
-اللى بيقول دم الشهداء مش هيروح هدر .... هو دول اول الضحايا ولا نسيتوا العبارة وشهداء تعزيب الشرطة ؟؟؟؟؟؟؟
-اللى مش عاجبوا كلامى ..... ممكن يجاوبنى على اسئلتى ؟؟؟؟؟؟؟؟؟؟؟؟؟؟؟؟؟؟؟؟
يا جدعان حرام عليكوا ، إفتحو مواقع الاخبار العالمية شوفوا إسرائيل بتطلب من مجلس الأمن الموافقة على تعزيز قواتها على الحدود مع مصر لحماية نفسها ...... مين هيبقى مؤيد ولا معارض لو لقناهم الصبح فى شرم الشيخ؟؟؟؟؟؟
اقسم بالله :عن لسان ضابط مخابرات مصرى اعرفه معرفه شخصيه و صديق اخويا إنه قبض على 12 واحد فى ميدان التحرير ممولين من أشخاص عراقيين و سودانيين جزائريين و اثيوبيين ، و إن كل واحد فيهم كان مكلف إنه يحيب 10 من اصدقاؤه البلطجيه عشان يضربوا فى المؤيدين والمعارضين ..... يعنى حتى مش ممولين من إسرايل ولا أمريكا
اللى خلى الناس تخرج وتتظاهر و تغضب وتغير النظام فى 8 ايام ... قادر انه يعمل كده تانى ، بس مش دلوقتى ، مش اليومين دول ، البلد ولعت مننا و لو فضلنا على كده مش هنعرف نطفيها
إرحموا مصر يرحمكم الله
|
|
 |
|
 |
لأ طبعا كلامك عاجبنى والعلم عاجبنى وبعد أذنك أخده فى توقيعى .
الثأر أصبح شخصى بين الجزيرة وبين مصر.
يا صاحبى أقسم بالله أنا كنت متابع السى ان ان بالأنجليزية وما أن غيرت لقناة الجزيرة حتى وجدت لنفس الصور والتصريحات أختلفت وشوهت ...مقطتفات من مواقف على طريقة ولا تقيموا الصلاة ... أقسم لك . وبناشد اى شعب عاوز يتحرر فعلا زى مصر أنه يتابع العربية أو البى بى سى العربية أفضل بكثير وأكثر مهنية وسيجد فعلا الرأى والرأى الأخر ....
يا باشا الأخوان لايمكن ينسحبوا حاليا لايمكن حتى لو 100 مليون رأى قال أنسحبوا ونبدا حوار عاقل لن يستطيعوا وأتفهم موقفهم من" أما هم او مبارك " وسأوضح لحضرك فى أخر الكلام .
|
|
|
|
|
دى آخر مشاركة ليه فى الموضوع ده
بس ليه سؤال
عمالين يتكلموا وتتكلموا عن الفتنة
السؤال اللى نفسى اعرفوا فتنة بين مين ومين؟؟؟؟؟؟؟؟؟؟؟؟؟؟
فتنة بين الأغلبية الحالية والمتشبثين برأيهم وألا فلا حاليا .
اللى اعرفه اللى بينافق بمبارك وبيأيده عشان مصلحته سواء حزب وطنى او موظفين خايفين يجوعوا او يغضب عليهم
حتى البلطجية لهم مصلحة انوا يعفوا عنهم او فى بمبلغ مالى
السؤال حد من الشعب مستعد ياخد قلم او بوكس فى سبيل الدفاع عن تأييد مبارك لوجه الله
لأ طبعا ... وأفتكر محدش حاليا عنده الشجاعة حتى يدافع عن نظام فاسد
الناس اللى بتقول خلاص كفاية كده خايفة من الفوضى بس عمرها
لأ يا باشا خايفين من الهوية الساحقة للحالة الأقتصادية والأجتماعية والنفسية وزمنية وتسلط الرأى اللى رايحين لها وتدخل القوى الأجنبية فى ظل الفوضى .
مهاتتدخل فى معركة عشانه بالعكس هما نفسهم يزول بس يبقوا زوال يضمن الامان لهم
يبقى الفتنة بين مين ومين
سبق الرد
الموظفين لو قلتلوهم هشاغلكم باجر ازيد 100 جنيه هيبعوا ام الوظيفة ويلعنوا ابو اللى جابوها
الحزب الطنى لو لقوا مصلحة احسن وسببوبه اعلى هيبعوا الوطن كله
المجرمين والبلطجية والمرتزقة دول مش محتاجين كلام دول هيبعوا ابوهم عشان جنيه
بس للأسف فيه فى الشعب فئه من الجبنه
وان نجح الشعب فى تحقيق مايسعى اليه
لاعمل بكل مااوتيت من قوى ليتم محاكمة كل من خان وطنه
بتهمة الخيانة العظمى واولهم التليفزيون المصرى
دم اخويه مش رخيص
كل اللى شارك يوم الجمعة فى كل محافظات مصر يعتبر نفسه انه مات
فى المظاهرة دى
يأخى الفاضل
انا واحد من الناس لأحب الهتافات ولا اومن بالمظاهرات السلمية مع هذا النظام
لكن واجب منى روحت وقفت وسجلت حضورى
والله والله انا من الدخان اللى الشرطة كانت بترميه بشكل عشوائى
انا كنت هموت ومعتدش قادر على التنفس
غير انهم لحقونى ببصلة ومنديل باين بخل
وده كان اقل نوع من ضربهم لينا
وكنت بعتبر ان دى نزهه ليه ومش هتعمل حاجة ومش هتغير
وكنت هموت
امال لوكنت عملت فيه ابو على
كان حصلى ايه
اتقوا الله
وواصمتوا ان كنتم لا تعقلون |
|
|
|
|
جهاز الشرطة السابق وصمة عار على مصر ويجب محاسبة جميع المسئولين و النائب العام اعلن منع أحمد عز والعادلى وجرانة وغيرهم من السفر وامر بتجميد أرصدتهم فى البنوك وكل شئ هيظهر ويبان.
الحقيقة بقى يا ريس أنتم ( بالذات المحامين يعنى ) هم من لا أستطيع فهم موقفهم وتعنتهم وأصرارهم فأنتم كل شغلكم كلام واخذ ورد وحوار .... بجد ياريت تفهمنى من امتى المحامى موقفه بيبقى واقف كدا ويرفض الحوار والنقاش ويرفض رأى الأغلبية أو حتى يرفض يشوف الأغلبية عاوزة اية أصلا ... طيب قول لى لو انت بتضر مصر دلوقت وللأبد هل هتكمل بردو!!؟؟ مفتكرش ... أنا عارفك كويس طيب هتعرف منين رأى الأغلبية وأنت رافض أى نقاش واما الرحيل الأن او الموت الأن .
أقسم بالله يا ريس وقلت الكلام دة لراجل محترم جدا فى المنتدى أنا وفدى وبحب الوفد ( الحزب الوحيد ذو الأنتخابات الحرة الديموقراطية ) لكن مع ذلك وبعد تلكؤ الوفد فى قبول الحوار قررت أن أى حزب سيظل على موقفه المتحجر الغير واعى فأنى لايمكن انتمى له فى يوم من الأيام نريد الأن مرشحين للرئاسة نريد برامج وحلول ولا نريد رأى متحجر ان يقودنا فى المرحلة القادمة وألا فأننا نكون أزلنا الطاغية لنوجد طغاة جدد ..... فهمنى يا ريس .
أقسم لك بالله أقربائى وأصدقائى فوق المئة شهيد من بداية العام ولم افتح فمى حتى الأن .. الأولوية عندى لمصر وللعقل . ولا نريد ان تتغلب نزعة بيننا فى المنتدى كل من تكلم هم اعضاء قدامى لهم مشاركات وموضوعات من بداية المنتدى .
كلام حضرتك كله محترم لكن الدعاء ليس كل شئ والعمل مهم أيضا وطلبت قبل ذلك ممن حضر العفريت أن يصرفه لأننا على حافة هاوية . وعلى فكرة الحكم من 1952 فى يد الجيش والشخصيات العسكرية فكل المحافظين ورؤساء الأحياء قيادات شرطة وجيش سابقة .
دة رأى شعوب كتيرة فينا دلوقت والتاريخ بيسجل .لازم نحافظ على مصر .
لا يا برنس البلد بتقع واللى شبكنا يخلصنا . ياريت نشوف روحنا وحطينا مين مكاننا فى الميدان ونفكر فى بلدنا كلها مش فى خالد بس .
أه وبدون محاكمة .... دا حتى صدام حاكموه ...أنت فى صف المدنية ياريس واللا الهوجة والغوغاء والفوضى والسحل والأعدام . دا حتى الثورة الفرنسية كانت بتحاكم الناس قبل أعدامهم .
|
|
|
|
|
إنني أبكي لحال كلامكم عنهم .. لقد ضللتم من التلفزيون المصري وخطاب مبارك
هو فية حد ياريس بيتفرج على التليفزيون المصرى أصلا من 10-15 سنة 
وبعدين لية تحكم على كل الى اتكلموا انهم ضلوا وأنت الوحيد المهدى
أنا مقدر موقف الأخوان تماما .
ماذا فعلوا؟!! اعتصموا بميدان التحرير؟!!!
يااااااااااااااااااااااااه ؟!!
دي جريمة تستحق الإعدام و( ضرب النار ) .. مش كده؟!!!
هات لى رد واحد فى المنتدى أو خارجه قال ما تقول ... هات لى واحد بيقول اعدموهم وأضربوهم بالنار .
الشباب دي لو اتفرقت وحاولوا يسيبوا الميدان هياكلوهم زي الديابة!
ودة فعلا شعور الأخوان
لهم الله .. لهم الله .. لهم الله ..
في ايه؟!!!!!!!
حقاً صدقت يا رسول الله ..
«يأتي على الناس سنون خداعات، يصدق فيه الكاذب ويكذب فيه الصادق ويؤتمن فيه الخائن ويخون فيه الامين وينطق فيه الرويبضة..»
|
|
|
|
|
وطبعا يا محمد الأخوان بس اللى يعرفوا من الكاذب ومن الصادق... صح؟ وللا نقف كلنا أيد واحدة أحزاب مع اخوان مع شعب ونشوف مصيرنا ونحدده .
كل الدول الصديقة والعدوة والتى ليس لها علاقة معنا أصلا منزعجة لرحيله ( طيب أضحك على دى فى الجزيرة فى شريط العناوين حاكم جزر المالديف منزعج ويحث ملارك على نقل سلمى سريع للسلطة .... جزر المالديف ههههههه فين دى .
وحتى أميركا تحثه على الرحيل السريع .
الأن لماذا يعترض الأخوان ويطلبون الرحيل الفورى هو بعينه لب مشاركتك ... الأخوان من اول يوم اعلنوا عدم المشاركة لماذا ؟ لأنهم يعلمون ( كما تسائلت مسبقا فى هذا الموضوع من سيدفع الفاتورة ؟ من سيدفع الحساب ؟) كان الأخوان يعلمون انهم الوحيدون الذين سيدفعون حق المشاريب نيابة عن الشارع المصرى كله وستلصق بهم جميع التهم ولذلك اعلنوا عدم المشاركة وقام المرشد العام بأستدعاء رموز الأخوان وقام بأبلاغهم بعدم المشاركة والكلام معلن وعرفه الجميع ..وأستنكره ايضا الجميع وقتها حتى الأخوان الصغار نفسهم ....فى حين ساندت باقى الأحزاب المظاهرة ولو من بعيد أو على استحياء ليس خشية من النظام كالأخوان ولكن أما لأنهم لن يفرقوا كثيرا وليس لهم وجود فى الشارع أو لعلمهم بأنه " مفيش فايدة ".
وبدات المظاهرات سلمية وأحشدت الحشود وحاول النظام قهر الشباب المتهور الأنفعالى وقمعهم ولم يستطع واقترب أفلات الأمر من يده وبقى له تكة وتشجع باقى الشعب كله - والأخوان من الشعب طبعا- على النزول فى يوم الجمعة وكبرت الكبيرة وسحقت قوات مكافحة الشغب والأمن المركزى ووبعد انضمام الأخوان والشعب بدا حرق اقسام الشرطة الواحد تلو الأخر ودواوين الدولة
( من حرق ؟؟؟ لا نعرف ولكن الأمر محصور فى ثلاثة... النظام .. الهمج والغوغاء من الشعب .... او جماعة منظمة ومخططة وتعرف أهدافها - اى جماعة وليس شرطا الأخوان وقد تكون جماعة خارجية أصلا ولكن بالنسبة للنظام فلا يعرف بمثل هذا التنظيم الا الأخوان المسلمين وعنده من حملاته عليهم ومداهماته لهم والتنكيل باعضائهم ما قد يوحى او يثبت له ذلك )
الأن الوضع ان مطالب الشعب تحققت وبعد نداء " عيش حرية كرامة انسانية " وموافقة النظام عليها - أذن لقد خنع النظام وقهر... والعجل وقع هاتوا السكاكين - علشان نقسم التورتة كمان ( مصر ) - تصاعد سقف المطالب أكثر قليلا فوافق النظام وأقال الحكومة - النظام أنتهى ليس لديه اى شئ وبطئ فى أتخاذ القرارات لأن جميع المطروح عليه لا يرضيه وليس لديه القوة على رفضه فتنازل وتنازل حتى تحققت مطالب يطالب بها الشعب منذ 1952 لو نذكر مبادئ الثورة ... وزاد عليها مطلب الرحيل ووافقت الرئاسة .....
هنا ... وفقط هنا ..جاء الجرسون او المتر دو تيل بالفاتورة من سيدفع ووقف الأربعة النظام الشعب الأحزاب الأخوان ...
النظام ... افلس فقد دفع كل مالديه وليس لديه أى شئ أخر ألا الفوضى والهروب والرحيل بالجمل وما حمل .
الشعب .... الشعب لن يدفع ويكفيه ماخسر فى كل ما حدث ويكفيه ما دفعه طوال نصف قرن .
الأحزاب .... طبعا طبيعة اى حزب لا تؤهله على الدفع خصوصا وهو لم يشرب شيئا لم يتظاهر اولا ولم يحرق ولم ولم فلماذا يدفع .... ونظرت الاحزاب حولها ولوضعها ... أولا جماهير الشعب مختلفة التوجهات فأنا وفدى ومستر سامى ناصرى وشتان بيننا ... نوارج اخوانى وامير ليبرارى غير تابع وشتان بينهما ويوجد اشتراكيون و...و.. .. ولكل منا توجه يعبر عنه موجود فى الأحزاب التى انهكها النظام قبلا ... ولو كان يريد مبارك ضرب هذة الثورة فى مقتل لوقف وقال بالحرف الواحد " شكلوا وزارة منكم واحضروا لى رئيس منكم غيرى وسأعين الحكومة المختارة واتنازل عن السلطة لرئيسكم" ووقتها كنت ستجد عجب العجاب وتسود الفرقة فى الثورة وقد نقع فى الحرب الأهلية والغلبة وقتها للقوى المنظم المطيع لقائده وهم الأخوان وبذلك فهو ضد تطلعات جميع الأحزاب سواء للسلطة او لمجتمع منظم ومتحضر . أذن لابد من الحوار بين الشعب ...الأحزاب والاخوان ... والنظام .... فوافقوا على الحوار .
الأخوان ... فجأة انفض المولد الشعب اخذ مايريد والأحزاب أخذت ماتريد فما مستقبل الأخوان فى ظل أستمرار النظام ولو ليوم واحد او ساعة واحدة .... أذا استقر النظام فى المجتمع فأن مرتكبى العنف سيحاسبون أذا أستقر النظام فان من مروا على أصحاب المحال فى الأسكندرية مثلا منذ يومان وأخبروهم انه لا يجب ان يبيعوا السجائر والا فالعقاب شديد وبالنص " ان رجعنا كمان ساعتين ولقينا عندك سيجارة على الرف تقول ع المحل يارحمن يا رحيم " ... الذين أرغموا الباعة الجائلين على بيع الطماطم بسعر 2 جنية مع وصول سعرها وقت الازمة الحالية ل 7 جنيهات رغم توسلات البائع بأنه اشتراها بسعر غالى عليه وان بيته سينخرب وسيتشرد اطفاله ومحاولاته المستميتة للوصول لحل وسط ولكن يقابله العقل المتحجر ( ولا بتوع الأزالة يا جدع ههههه ) ... سيحاسبون ( وممكن من البائع حتى وليس من النظام ).... من حرق المحال وسرق محتوياتها سيحاسبون ......
وليس عند النظام افضل من الأخوان ليلقى عليهم تبعات ذلك ( على فكرة امبارح ظبطنا فى ورديتى 3 فلسطينيين معاهم سلاح آلى قد يكونوا تابعين للنظام او غير تابعين لأحد ويمثلون انفسهم ) ولكن اعتقد ان كل ذلك سيبحث صلته بالأخوان خاصة ....
أ
ذن طبقا لرؤية الأخوان فالعملية اما قاتل او مقتول وأن مقتول وكلا الخيارين قاتل او مقتول - مقيل للرئيس أو مقصى من المجتمع والحوار - كلا الخيارين افضل من اى حوار سيقود كما يعتقد الأخوان لنفس النتيجة أما قاتل او مقتول .... ولذلك أعذرهم كثيرا . وارجو وأعتقد أن النظام سيغفر لهم وهيعديها -
وليس بمزاجه -
ولكن لأنهم مصريون ولهم دور مهم فى الحوار الوطنى برضاء او بغير رضاء الجميع كما ان النظام ليس امامه وقت لمحاسبتهم ولا يقوى حاليا على ذلك ولا يقوى على أستعدائهم الأن .... واقول لهم مصر بحاجة اليكم فى مسيرتها الجديدة فأنسوا جراح الماضى وشاركوا الجميع ... فالأن النظام يلملم اوراقه للرحيل ومصر أولى بكم لتبنوها . ولا يمكن الرهان على استمرار الجيش لأن دوره فى حماية الشرعية وخيارات المجتمع بالكامل والجميع ارتضى بالحوار فشارك ولاتعزل نفسك . والشارع امامنا اذا أتفقنا على شئ فلنشد اليه الرحيل مرة أخرى .
![الصورة الرمزية ][A.FaYeZ][](image.php?u=1226&dateline=1296651351)
![][A.FaYeZ][ غير متواجد حالياً](fxarabia/statusicon/user_offline.gif)
03-02-2011, 07:38 PM
رد: انا نازل يوم 25 يناير.
![عرض البوم صور ][A.FaYeZ][](images/buttons/add_album.png)
