FX-Arabia

جديد المواضيع















الملاحظات

منتدى تعليم الفوركس يحتوى المنتدى التعليمى على العديد من المراجع و الكتب و المؤلفات التى تساهم فى تعليم المضاربين اصول و فنون تداول العملات (الفوركس) منتدى الفوركس ، المواد التعليمية ل سوق الفوركس ، دروس ، تحيلي رقمى ، كتب ، مقالات تعليمية ، دورات فوركس مجانية ، تعليم تحليل فني ، تحليل اساسي ، موجات اليوت ، فيبوناتشي ، تعليم فوركس ، برامج التداول ، تعليم الفوركس بالفيديو ، شروحات . تعلم الفوركس , تعليم الفوركس , فيديو فوركس , افضل دورة فوركس , دورة فوركس مجانية , دورة فوركس , ربح فوركس , استراتيجية فوركس , فيديو فوركس تعليمى , فيديو فوركس و الكثير.



إضافة رد
 
أدوات الموضوع
قديم 26-07-2014, 12:34 PM   المشاركة رقم: 1
الكاتب
Mostafa Elyamny
عضو فعال
الصورة الرمزية Mostafa Elyamny

البيانات
تاريخ التسجيل: Nov 2010
رقم العضوية: 2184
الدولة: ُEGyPT - Sohag
العمر: 32
المشاركات: 816
بمعدل : 0.17 يوميا

الإتصالات
الحالة:
Mostafa Elyamny غير متواجد حالياً
وسائل الإتصال:

المنتدى : منتدى تعليم الفوركس
افتراضي Ψ◄███▓▒░░ الفوركس ببساطة ░░▒▓███►Ψ

نقره لعرض الصورة في صفحة مستقلة

نقره لعرض الصورة في صفحة مستقلة


بسم الله الرحمن الرحيم
والصلاة والسلام على أشرف الخلق والمرسلين سيدنا محمد صلى الله عليه وسلم ثم أما بعد إن شاء الله هنحاول مع بعض الايام الجاية اننا نتكلم بشكل بسيط جدا عن بورصة العملات الاجنبية ( الفوركس ) إن شاء الله هحاول أبسط كلامي ولو في أي شئ مش واضح أنا في الخدمة واتمنى من الله أن يجعل هذا العمل خالصا لوجهه الكريم وأن يجعله في ميزان حسناتي وفي ميزان حسنات أي حد ساعد في نشر هذا العلم .
إن شاء الله هنقسم الشرح بتاعنا إلى نقاط :-
1. مقدمة عامة :
• نبذة مختصرة عن سوق الفوركس .
• مصطلحات هامة .
2. إدارة رأس المال.
3. شرح برنامج الميتاتريدر Meta Trader .
4. حركة السعر .
5. الدعوم والمقاومات .
6. الترندات .
7. الشموع اليابانية .
8. الفيبوناتشي .
9. تطبيق .

إن شاء الله كلامي هيكون بسيط جدا جدا وطبعا لو في أي مشكلة او اي شئ مش واضح انا تحت امركم ..

( للتنويه : الدورة من صنعي الخاص وغير منقولة قمت بإعدادها من فترة للفريق بتاعي في سوهاج وبنشرها للفائدة لا أكثر والفريق حاليا غير موجود يعني مش بعمل دعاية نقره لعرض الصورة في صفحة مستقلة )



التوقيع

نقره لعرض الصورة في صفحة مستقلة

عرض البوم صور Mostafa Elyamny  
رد مع اقتباس


  #1  
قديم 26-07-2014, 12:34 PM
Mostafa Elyamny Mostafa Elyamny غير متواجد حالياً
عضو فعال
افتراضي Ψ◄███▓▒░░ الفوركس ببساطة ░░▒▓███►Ψ

نقره لعرض الصورة في صفحة مستقلة

نقره لعرض الصورة في صفحة مستقلة


بسم الله الرحمن الرحيم
والصلاة والسلام على أشرف الخلق والمرسلين سيدنا محمد صلى الله عليه وسلم ثم أما بعد إن شاء الله هنحاول مع بعض الايام الجاية اننا نتكلم بشكل بسيط جدا عن بورصة العملات الاجنبية ( الفوركس ) إن شاء الله هحاول أبسط كلامي ولو في أي شئ مش واضح أنا في الخدمة واتمنى من الله أن يجعل هذا العمل خالصا لوجهه الكريم وأن يجعله في ميزان حسناتي وفي ميزان حسنات أي حد ساعد في نشر هذا العلم .
إن شاء الله هنقسم الشرح بتاعنا إلى نقاط :-
1. مقدمة عامة :
• نبذة مختصرة عن سوق الفوركس .
• مصطلحات هامة .
2. إدارة رأس المال.
3. شرح برنامج الميتاتريدر Meta Trader .
4. حركة السعر .
5. الدعوم والمقاومات .
6. الترندات .
7. الشموع اليابانية .
8. الفيبوناتشي .
9. تطبيق .

إن شاء الله كلامي هيكون بسيط جدا جدا وطبعا لو في أي مشكلة او اي شئ مش واضح انا تحت امركم ..

( للتنويه : الدورة من صنعي الخاص وغير منقولة قمت بإعدادها من فترة للفريق بتاعي في سوهاج وبنشرها للفائدة لا أكثر والفريق حاليا غير موجود يعني مش بعمل دعاية نقره لعرض الصورة في صفحة مستقلة )




رد مع اقتباس

قديم 26-07-2014, 12:36 PM   المشاركة رقم: 2
الكاتب
Mostafa Elyamny
عضو فعال
الصورة الرمزية Mostafa Elyamny

البيانات
تاريخ التسجيل: Nov 2010
رقم العضوية: 2184
الدولة: ُEGyPT - Sohag
العمر: 32
المشاركات: 816
بمعدل : 0.17 يوميا

الإتصالات
الحالة:
Mostafa Elyamny غير متواجد حالياً
وسائل الإتصال:

كاتب الموضوع : Mostafa Elyamny المنتدى : منتدى تعليم الفوركس
افتراضي رد: Ψ◄███▓▒░░ الفوركس ببساطة ░░▒▓███►Ψ

هنبدأ على بركة الله معأول حاجة معانا و هي ..

= مقدمة عامة :

ودي هنتكلم فيها عن حاجتين وهما :

• نبذة مختصرة عن سوق الفوركس .

• مصطلحات هامة .

نبذة مختصرة عن سوق الفوركس :
طبعا لما نقول سوق فوركس يبقى اكيد لازم نتعرف على حاجتين الأولى وهي كلمة سوق والتانية هي كلمة فوركس .
طيب نمسكهم واحدة واحدة الاولى ( سوق ) طبعا حضراتكم عارفين يعني ايه سوق .... طيب وايه المانع اننا نقول برضه يعني ايه سوق : السوق ده مكان بيكون فيه بائعين ومشتريين طيب ودول بيعملوا ايه في السوق ؟؟ اكيد طبعا مش بيرغوا مع بعض  اكيد بيكون في بينهم تعاملات ( تجارة ) وحلقة الوصل ما بينهم بتكون السلعة وهي دي الطرف التالت في السوق .
طيب يبقى عرفنا بشكل سريع ان لو اتكلمنا وقولنا سوق يبقى لازم نقول 3 حاجات ( بائعين – مشتريين – سلع ) .
طيب دلوقتي هنمسك الكلمة التانية وهي ( فوركس ) .. طيب اكيد لو حد ميعرفش يعني ايه فوركس هيقول وده ايه ده إن شاء الله ؟؟ طيب ركز معايا وهتعرف ايه ده .

اكيد حضرتك سمعت قبل كده عن حاجة اسمها بورصة , صح ؟ اهو الفوركس ده عبارة عن بورصة ... بس خلي بالك مش بورصة أسهم وسندات .. لأ دي بورصة العملات الاجنبية ... مش مستوعب , صح ؟؟ طيب أبسطهالك  احنا اتكلمنا فوق عن السوق صح ؟ اهو الفوركس ده زيه زي أي سوق .. لازم يكون فيه 3 حاجات مهمة فاكرهم ولا لأ ؟؟ ايوه صح كده سامعك بتقول ( بائعين – مشترين – سلع) .. الله ينور عليك .

طبعا ممكن واحد هنا يقول طيب بائعين وساهلة ومشترين وكمان ممكن نستوعبها ... بس المشكلة في السعلة مش مستوعب النقطة دي .

طيب ركز معايا كده وصلى على الحبيب المصطفى .. ( عليه الصلاة والسلام )

ببساطة شديدة جدا سوق الفوركس ده بيتم فيه بيع وشراء العملات يعني السلع في السوق ده هي العملات .. طيب واحد هيقول طيب انا في السوق العادي انا بشتري كيلو الطماطم بـ 5 جنيه . طيب في سوق الفوركس اللي بتقول عليها دي هشتري العملة وهدفع لصاحب الكشك بتاع العملات ايه ؟؟؟؟ اولا يا عمونا العملات مش بتتباع في كشك دي بتتباع في سوق الاتنين ..  طبعا اوعى حد يصدق سوق العملات ده سوق لامركزي يعني ملهوش مكان محدد نقدر نقول عليه هو ده السوق بتاع العملات وعلى فكرة دي من أهم ما يميز سوق الفوركس .. المهم نرجع للنقطة بتاعت انا هشتري عملة طيب هدفع ايه .؟؟ أولا يا عمونا لازم نتفق على حاجة بسيطة ان سوق العملات ده بيتم تداول فيه اكتر من عملة يعني ايه ؟؟ يعني السوق ده هتلاقي فيه عملة اميريكا ( الدولار ) عملة اليابان ( الين ) عملة منطقة اليورو ( اليورو ) ... وغيرهم من العملات .. فمن البديهي لما نيجي نقول اننا هنشتري عملة اكيد هندفع مكانها عملة بلد تاني . طبعا انت هتدخل السوق علشان تشتري عملة معينة بسعر وتستنى لما سعرها يرتفع وتبيعها وتستفاد من الفرق ... زي أي تجارة .. طيب ايه رأيك انك ممكن تكسب كمان من البيع .. طيب ما انت لو حسبتها انك في الحالتين بتكون شاري وبايع في نفس الوقت يعني بتشتري عملة وبتبيع عملة في نفس الوقت وهكذا وإن شاء الله الجزئية دي هتوضح شوية لقدام ... طيب انا عندي كام سؤال كده لو سمحت يا مصطفى ....

تحت امرك يا غالي بس الاول نتكلم كده عن شوية مصطلحات في المشاركة القادمة

انتظروني ولا تنسوا LIKE نقره لعرض الصورة في صفحة مستقلة



التوقيع

نقره لعرض الصورة في صفحة مستقلة

عرض البوم صور Mostafa Elyamny  
رد مع اقتباس
  #2  
قديم 26-07-2014, 12:36 PM
Mostafa Elyamny Mostafa Elyamny غير متواجد حالياً
عضو فعال
افتراضي رد: Ψ◄███▓▒░░ الفوركس ببساطة ░░▒▓███►Ψ

هنبدأ على بركة الله معأول حاجة معانا و هي ..

= مقدمة عامة :

ودي هنتكلم فيها عن حاجتين وهما :

• نبذة مختصرة عن سوق الفوركس .

• مصطلحات هامة .

نبذة مختصرة عن سوق الفوركس :
طبعا لما نقول سوق فوركس يبقى اكيد لازم نتعرف على حاجتين الأولى وهي كلمة سوق والتانية هي كلمة فوركس .
طيب نمسكهم واحدة واحدة الاولى ( سوق ) طبعا حضراتكم عارفين يعني ايه سوق .... طيب وايه المانع اننا نقول برضه يعني ايه سوق : السوق ده مكان بيكون فيه بائعين ومشتريين طيب ودول بيعملوا ايه في السوق ؟؟ اكيد طبعا مش بيرغوا مع بعض  اكيد بيكون في بينهم تعاملات ( تجارة ) وحلقة الوصل ما بينهم بتكون السلعة وهي دي الطرف التالت في السوق .
طيب يبقى عرفنا بشكل سريع ان لو اتكلمنا وقولنا سوق يبقى لازم نقول 3 حاجات ( بائعين – مشتريين – سلع ) .
طيب دلوقتي هنمسك الكلمة التانية وهي ( فوركس ) .. طيب اكيد لو حد ميعرفش يعني ايه فوركس هيقول وده ايه ده إن شاء الله ؟؟ طيب ركز معايا وهتعرف ايه ده .

اكيد حضرتك سمعت قبل كده عن حاجة اسمها بورصة , صح ؟ اهو الفوركس ده عبارة عن بورصة ... بس خلي بالك مش بورصة أسهم وسندات .. لأ دي بورصة العملات الاجنبية ... مش مستوعب , صح ؟؟ طيب أبسطهالك  احنا اتكلمنا فوق عن السوق صح ؟ اهو الفوركس ده زيه زي أي سوق .. لازم يكون فيه 3 حاجات مهمة فاكرهم ولا لأ ؟؟ ايوه صح كده سامعك بتقول ( بائعين – مشترين – سلع) .. الله ينور عليك .

طبعا ممكن واحد هنا يقول طيب بائعين وساهلة ومشترين وكمان ممكن نستوعبها ... بس المشكلة في السعلة مش مستوعب النقطة دي .

طيب ركز معايا كده وصلى على الحبيب المصطفى .. ( عليه الصلاة والسلام )

ببساطة شديدة جدا سوق الفوركس ده بيتم فيه بيع وشراء العملات يعني السلع في السوق ده هي العملات .. طيب واحد هيقول طيب انا في السوق العادي انا بشتري كيلو الطماطم بـ 5 جنيه . طيب في سوق الفوركس اللي بتقول عليها دي هشتري العملة وهدفع لصاحب الكشك بتاع العملات ايه ؟؟؟؟ اولا يا عمونا العملات مش بتتباع في كشك دي بتتباع في سوق الاتنين ..  طبعا اوعى حد يصدق سوق العملات ده سوق لامركزي يعني ملهوش مكان محدد نقدر نقول عليه هو ده السوق بتاع العملات وعلى فكرة دي من أهم ما يميز سوق الفوركس .. المهم نرجع للنقطة بتاعت انا هشتري عملة طيب هدفع ايه .؟؟ أولا يا عمونا لازم نتفق على حاجة بسيطة ان سوق العملات ده بيتم تداول فيه اكتر من عملة يعني ايه ؟؟ يعني السوق ده هتلاقي فيه عملة اميريكا ( الدولار ) عملة اليابان ( الين ) عملة منطقة اليورو ( اليورو ) ... وغيرهم من العملات .. فمن البديهي لما نيجي نقول اننا هنشتري عملة اكيد هندفع مكانها عملة بلد تاني . طبعا انت هتدخل السوق علشان تشتري عملة معينة بسعر وتستنى لما سعرها يرتفع وتبيعها وتستفاد من الفرق ... زي أي تجارة .. طيب ايه رأيك انك ممكن تكسب كمان من البيع .. طيب ما انت لو حسبتها انك في الحالتين بتكون شاري وبايع في نفس الوقت يعني بتشتري عملة وبتبيع عملة في نفس الوقت وهكذا وإن شاء الله الجزئية دي هتوضح شوية لقدام ... طيب انا عندي كام سؤال كده لو سمحت يا مصطفى ....

تحت امرك يا غالي بس الاول نتكلم كده عن شوية مصطلحات في المشاركة القادمة

انتظروني ولا تنسوا LIKE نقره لعرض الصورة في صفحة مستقلة




رد مع اقتباس
قديم 26-07-2014, 12:38 PM   المشاركة رقم: 3
الكاتب
Mostafa Elyamny
عضو فعال
الصورة الرمزية Mostafa Elyamny

البيانات
تاريخ التسجيل: Nov 2010
رقم العضوية: 2184
الدولة: ُEGyPT - Sohag
العمر: 32
المشاركات: 816
بمعدل : 0.17 يوميا

الإتصالات
الحالة:
Mostafa Elyamny غير متواجد حالياً
وسائل الإتصال:

كاتب الموضوع : Mostafa Elyamny المنتدى : منتدى تعليم الفوركس
افتراضي رد: Ψ◄███▓▒░░ الفوركس ببساطة ░░▒▓███►Ψ

مصطلحات هامة :

هنحاول في النقطة دي نتعرف على مصطلحات هتقابلنا كتير في السوق طبعا احنا هنتكلم عنهم بس ممكن نأجل الكلام عن كام مصطلح لوقتهم .

المصطلحات اللي هنتكلم عنهم انهاردة هي :

• مفهوم أزواج العملات
• النقطة ( البيب )
• الاسبريد
• الروافع المالية والهامش
• العقد ( اللوت )
-------------------------------

اول مفهوم معانا انهاردة هو :

• أزواج العملات :

يعني ايه أزواج العملات .. ؟ ومالك يا عم مصطفى داخل سخن علينا كده ليه ؟؟
ياعم لا سخن ولا حاجة بس خليك فايق معايا وانت هتعرف ان الكلام ده لعب عيال .
اولا انت لما بتروح السوق بتشتري طماطم اكيد بتدفع فلوس صح ؟؟
كده انت عملت زوج من غير ما تعرف .. ازاي ؟؟ هقولك انا ازاي انت لما اشتريت طماطم دفعت فلوس يعني لازم علشان تتم العملية دي لازم يكون في حاجتين .. اولا الفلوس اللي هتشتري بيها الطماطم اللي لو مكنتش معاك مكنتش هتنزل السوق من اساسه .. صح ؟؟ طيب وايه الحاجة التانية ..؟ الحاجة التانية هي : الطماطم اللي انت نازل تشتريها . لانك لو مش عاوز طماطم ومعاك فلوس هتنزل ليه السوق ؟؟ هتنزل تقول للناس انا معايا فلوس ؟  اكيد لأ طبعا ؟ يبقى انت دلوقتي عملت زوج اللي هو ( طماطم – فلوس ) .
في سوق الفوركس برضه هتشتغل خطبة وهتجوز العملات مع بعض .. يعني ايه ؟؟

يعني مثلا انت دلوقتي حبيت تروح تغير كام ريال سعودي من شركة الصرافة بجنيهات مصري هتروح تقول للراجل الصراف خد دي ريالات سعودي ... وهات جينهات مصري .. هتلاقي هي هي عملية الطماطم اللي فوق ان لازم علشان تتم العملية دي لازم يكون معاك ريالات سعودي .. ويكون في شركة الصرافة جينهات مصري .. صح ؟؟
طيب برضه يعني ايه زوج عملات وايه اللي هستفاده منه ؟؟؟

انا هقولك ببساطة مثال فعلي من سوق الفوركس :: هنفترض انك دلوقتي معاك 1000 دولار امريكي وحبيت انك تشتري يورو هتعمل ايه ؟؟ اكيد بتقول هروح لكشك عمو محمد بتاع العملات وهديله الدولارات وهاخد يوروهات .. صح ؟؟ ياخد عدوينك ان شاء الله  ياعمونا ما انا قولتلك مفيش حاجة اسمها كشك عملات .. المهم ما علينا انت كده صح بس طبعا انت عاوز تعرف سعر اليورو مقابل الدولار كام صح ؟؟ طبعا انت هتدور على سعر صرف اليورو مقابل الدولار وهتلاقيه بغض النظر هتلاقيه فين انما هتلاقيه بالشكل ده :
EUR\USD = 1.3000

هو ده بقى شكل زوج العملة بتلاقي سعر عملة مقابل عملة تاني ..طيب ايه رأيك لو نوضح أكتر ..
لو مسكنا الزوج السابق ده وحبينا اننا نقطعة :

اولا حاجة هناخدها هي : EUR
وطبعا انت شطار وعارف ان ده رمز عملة اليورو وهنسميه هنا في الزوج اسم ( عملة الاساس ) .
تاني حاجة هي : USD
وطبعا برضه انت شاطر وعارف ان ده رمز عملة الدولار الامريكي وهنسميه هنا أسم ( عملة المقابلة ) .
طيب يعني ايه عملة اساس ويعني ايه عملة مقابلة ... ؟؟
عملة الاساس دي العملة اللي انت عاوز تشتريها وعلى فكرة مش شرط تكون يورو لأ ده مثال بس للتوضيح يعني ممكن يكون ( ين ياباني ) او ( دولار استرالي ) أو اي عملة تاني .. المهم عملة الاساس دي عاملة زي الطماطم اللي انت نازل تشتريها .
طيب وعملة المقابلة يعني ايه ... ؟؟

ايوه صح كده سامعك بتقول ان هي دي العملة اللي انت بتدفعها كمقابل علشان تاخد عملة الاساس .. فاكر انت طبعا لما اشتريت طماطم من السوق دفعت مقابلها فلوس صح ؟؟ اهو عملة المقابلة زي كده بالظبط .

طيب عرفنا عملة الاساس وعرفنا عملة المقابلة .. طيب سؤال صغير ايه الرقم اللي مكتوب بعد علامة ( =) ..؟؟
ده يا عمونا بيدل على سعر اليورو مقابل الدولار يعني ايه ؟؟ يعني علشان تاخد 1 يورو لازم تدفع 1.3000 دولار .


هنتكلم عن تاني مصطلح معانا ولكن في المشاركة القادمة



التوقيع

نقره لعرض الصورة في صفحة مستقلة

عرض البوم صور Mostafa Elyamny  
رد مع اقتباس
  #3  
قديم 26-07-2014, 12:38 PM
Mostafa Elyamny Mostafa Elyamny غير متواجد حالياً
عضو فعال
افتراضي رد: Ψ◄███▓▒░░ الفوركس ببساطة ░░▒▓███►Ψ

مصطلحات هامة :

هنحاول في النقطة دي نتعرف على مصطلحات هتقابلنا كتير في السوق طبعا احنا هنتكلم عنهم بس ممكن نأجل الكلام عن كام مصطلح لوقتهم .

المصطلحات اللي هنتكلم عنهم انهاردة هي :

• مفهوم أزواج العملات
• النقطة ( البيب )
• الاسبريد
• الروافع المالية والهامش
• العقد ( اللوت )
-------------------------------

اول مفهوم معانا انهاردة هو :

• أزواج العملات :

يعني ايه أزواج العملات .. ؟ ومالك يا عم مصطفى داخل سخن علينا كده ليه ؟؟
ياعم لا سخن ولا حاجة بس خليك فايق معايا وانت هتعرف ان الكلام ده لعب عيال .
اولا انت لما بتروح السوق بتشتري طماطم اكيد بتدفع فلوس صح ؟؟
كده انت عملت زوج من غير ما تعرف .. ازاي ؟؟ هقولك انا ازاي انت لما اشتريت طماطم دفعت فلوس يعني لازم علشان تتم العملية دي لازم يكون في حاجتين .. اولا الفلوس اللي هتشتري بيها الطماطم اللي لو مكنتش معاك مكنتش هتنزل السوق من اساسه .. صح ؟؟ طيب وايه الحاجة التانية ..؟ الحاجة التانية هي : الطماطم اللي انت نازل تشتريها . لانك لو مش عاوز طماطم ومعاك فلوس هتنزل ليه السوق ؟؟ هتنزل تقول للناس انا معايا فلوس ؟  اكيد لأ طبعا ؟ يبقى انت دلوقتي عملت زوج اللي هو ( طماطم – فلوس ) .
في سوق الفوركس برضه هتشتغل خطبة وهتجوز العملات مع بعض .. يعني ايه ؟؟

يعني مثلا انت دلوقتي حبيت تروح تغير كام ريال سعودي من شركة الصرافة بجنيهات مصري هتروح تقول للراجل الصراف خد دي ريالات سعودي ... وهات جينهات مصري .. هتلاقي هي هي عملية الطماطم اللي فوق ان لازم علشان تتم العملية دي لازم يكون معاك ريالات سعودي .. ويكون في شركة الصرافة جينهات مصري .. صح ؟؟
طيب برضه يعني ايه زوج عملات وايه اللي هستفاده منه ؟؟؟

انا هقولك ببساطة مثال فعلي من سوق الفوركس :: هنفترض انك دلوقتي معاك 1000 دولار امريكي وحبيت انك تشتري يورو هتعمل ايه ؟؟ اكيد بتقول هروح لكشك عمو محمد بتاع العملات وهديله الدولارات وهاخد يوروهات .. صح ؟؟ ياخد عدوينك ان شاء الله  ياعمونا ما انا قولتلك مفيش حاجة اسمها كشك عملات .. المهم ما علينا انت كده صح بس طبعا انت عاوز تعرف سعر اليورو مقابل الدولار كام صح ؟؟ طبعا انت هتدور على سعر صرف اليورو مقابل الدولار وهتلاقيه بغض النظر هتلاقيه فين انما هتلاقيه بالشكل ده :
EUR\USD = 1.3000

هو ده بقى شكل زوج العملة بتلاقي سعر عملة مقابل عملة تاني ..طيب ايه رأيك لو نوضح أكتر ..
لو مسكنا الزوج السابق ده وحبينا اننا نقطعة :

اولا حاجة هناخدها هي : EUR
وطبعا انت شطار وعارف ان ده رمز عملة اليورو وهنسميه هنا في الزوج اسم ( عملة الاساس ) .
تاني حاجة هي : USD
وطبعا برضه انت شاطر وعارف ان ده رمز عملة الدولار الامريكي وهنسميه هنا أسم ( عملة المقابلة ) .
طيب يعني ايه عملة اساس ويعني ايه عملة مقابلة ... ؟؟
عملة الاساس دي العملة اللي انت عاوز تشتريها وعلى فكرة مش شرط تكون يورو لأ ده مثال بس للتوضيح يعني ممكن يكون ( ين ياباني ) او ( دولار استرالي ) أو اي عملة تاني .. المهم عملة الاساس دي عاملة زي الطماطم اللي انت نازل تشتريها .
طيب وعملة المقابلة يعني ايه ... ؟؟

ايوه صح كده سامعك بتقول ان هي دي العملة اللي انت بتدفعها كمقابل علشان تاخد عملة الاساس .. فاكر انت طبعا لما اشتريت طماطم من السوق دفعت مقابلها فلوس صح ؟؟ اهو عملة المقابلة زي كده بالظبط .

طيب عرفنا عملة الاساس وعرفنا عملة المقابلة .. طيب سؤال صغير ايه الرقم اللي مكتوب بعد علامة ( =) ..؟؟
ده يا عمونا بيدل على سعر اليورو مقابل الدولار يعني ايه ؟؟ يعني علشان تاخد 1 يورو لازم تدفع 1.3000 دولار .


هنتكلم عن تاني مصطلح معانا ولكن في المشاركة القادمة




رد مع اقتباس
قديم 26-07-2014, 12:40 PM   المشاركة رقم: 4
الكاتب
Mostafa Elyamny
عضو فعال
الصورة الرمزية Mostafa Elyamny

البيانات
تاريخ التسجيل: Nov 2010
رقم العضوية: 2184
الدولة: ُEGyPT - Sohag
العمر: 32
المشاركات: 816
بمعدل : 0.17 يوميا

الإتصالات
الحالة:
Mostafa Elyamny غير متواجد حالياً
وسائل الإتصال:

كاتب الموضوع : Mostafa Elyamny المنتدى : منتدى تعليم الفوركس
افتراضي رد: Ψ◄███▓▒░░ الفوركس ببساطة ░░▒▓███►Ψ

• النقطة ( البيب ) :

يعني ايه يا مصطفى ؟؟

سيبك منها يا عم وركز معايا في الحكاية دي بس ..

ايه رأيك امبارح كان كيلو الطماطم بـ 3 جنيه .. انهاردة بـ 4 جنيه ..؟ ينهار أبيض ..!!
سعرها ارتفع صح .. طيب ارتفع كام ؟؟؟ صح كده سامعك بتقول 1 جنيه ..

طيب ايه رأيك لو انا قولتلك ان سعر اليورو ارتفع مقابل الدولار .. طيب هيرتفع كام ؟؟
ايه رأيك لو قولتلك انه كان من شوية صغيرين = 1.3000 وبقى دلوقتي = 1.3001 ايه ده عني ارتفع 0.0001 بس ؟؟
ايوه 0.0001 بس .. ودي بقى هنسميها نقطة أو بيب ..

يعني مثلا في التغير ده هنقول أن السعر ارتفع بمقدار نقطة واحدة .. طيب ولو بقى 1.3010 هنقول ان السعر ارتفع بمقدار 10 نقط -

وهكذا وهو ده مصطلح النقطة أو البيب .

طيب ايه رأيك نتكلم عن الاسبريد ؟!!

هنتكلم عنه بس في المشاركة القادمة

تحياتي



التوقيع

نقره لعرض الصورة في صفحة مستقلة

عرض البوم صور Mostafa Elyamny  
رد مع اقتباس
  #4  
قديم 26-07-2014, 12:40 PM
Mostafa Elyamny Mostafa Elyamny غير متواجد حالياً
عضو فعال
افتراضي رد: Ψ◄███▓▒░░ الفوركس ببساطة ░░▒▓███►Ψ

• النقطة ( البيب ) :

يعني ايه يا مصطفى ؟؟

سيبك منها يا عم وركز معايا في الحكاية دي بس ..

ايه رأيك امبارح كان كيلو الطماطم بـ 3 جنيه .. انهاردة بـ 4 جنيه ..؟ ينهار أبيض ..!!
سعرها ارتفع صح .. طيب ارتفع كام ؟؟؟ صح كده سامعك بتقول 1 جنيه ..

طيب ايه رأيك لو انا قولتلك ان سعر اليورو ارتفع مقابل الدولار .. طيب هيرتفع كام ؟؟
ايه رأيك لو قولتلك انه كان من شوية صغيرين = 1.3000 وبقى دلوقتي = 1.3001 ايه ده عني ارتفع 0.0001 بس ؟؟
ايوه 0.0001 بس .. ودي بقى هنسميها نقطة أو بيب ..

يعني مثلا في التغير ده هنقول أن السعر ارتفع بمقدار نقطة واحدة .. طيب ولو بقى 1.3010 هنقول ان السعر ارتفع بمقدار 10 نقط -

وهكذا وهو ده مصطلح النقطة أو البيب .

طيب ايه رأيك نتكلم عن الاسبريد ؟!!

هنتكلم عنه بس في المشاركة القادمة

تحياتي




رد مع اقتباس
قديم 26-07-2014, 12:45 PM   المشاركة رقم: 5
الكاتب
Mostafa Elyamny
عضو فعال
الصورة الرمزية Mostafa Elyamny

البيانات
تاريخ التسجيل: Nov 2010
رقم العضوية: 2184
الدولة: ُEGyPT - Sohag
العمر: 32
المشاركات: 816
بمعدل : 0.17 يوميا

الإتصالات
الحالة:
Mostafa Elyamny غير متواجد حالياً
وسائل الإتصال:

كاتب الموضوع : Mostafa Elyamny المنتدى : منتدى تعليم الفوركس
افتراضي رد: Ψ◄███▓▒░░ الفوركس ببساطة ░░▒▓███►Ψ

• الاسبريد :
برضه سيبك منه دلوقتي وخليك معايا ..
اكيد طبعا انت راجل مثقف وبتقرا جرايد صح ؟؟ ايه رأيك لو انت فتحت الجورنال في يوم من الايام وعينك جات على اسعار صرف العملات الاجنبية .. هتلاقي مثلا سعر صرف الريال السعودي وهتلاقي مكتوب سعر البيع وسعر الشراء صح ؟
اهو نفس الوضع عندنا في الفوركس هتلاقي ان سعر البيع لليورو مقابل الدولار = 1.3000 وسعر الشراء = 1.3003 ايه ده في فرق 3 بيب يا مصطفى ..؟؟!! ايوه صح فيه فرق 3 بيب وهما دول عمولة الشركة اللي بتتعامل معاها .. وده بقى اسمه سبريد ..
فيه مشكلة لغاية هنا ..؟

طيب ايه رأيك لو نتكلم عن الروافع المالية والهامش ؟!!

دي بقى لازم تفوق معايا فيها علشان مهمه جدا ..

إن شاء الله ننشرها في المشاركة القادمة



التوقيع

نقره لعرض الصورة في صفحة مستقلة

عرض البوم صور Mostafa Elyamny  
رد مع اقتباس
  #5  
قديم 26-07-2014, 12:45 PM
Mostafa Elyamny Mostafa Elyamny غير متواجد حالياً
عضو فعال
افتراضي رد: Ψ◄███▓▒░░ الفوركس ببساطة ░░▒▓███►Ψ

• الاسبريد :
برضه سيبك منه دلوقتي وخليك معايا ..
اكيد طبعا انت راجل مثقف وبتقرا جرايد صح ؟؟ ايه رأيك لو انت فتحت الجورنال في يوم من الايام وعينك جات على اسعار صرف العملات الاجنبية .. هتلاقي مثلا سعر صرف الريال السعودي وهتلاقي مكتوب سعر البيع وسعر الشراء صح ؟
اهو نفس الوضع عندنا في الفوركس هتلاقي ان سعر البيع لليورو مقابل الدولار = 1.3000 وسعر الشراء = 1.3003 ايه ده في فرق 3 بيب يا مصطفى ..؟؟!! ايوه صح فيه فرق 3 بيب وهما دول عمولة الشركة اللي بتتعامل معاها .. وده بقى اسمه سبريد ..
فيه مشكلة لغاية هنا ..؟

طيب ايه رأيك لو نتكلم عن الروافع المالية والهامش ؟!!

دي بقى لازم تفوق معايا فيها علشان مهمه جدا ..

إن شاء الله ننشرها في المشاركة القادمة




رد مع اقتباس
قديم 26-07-2014, 12:47 PM   المشاركة رقم: 6
الكاتب
Mostafa Elyamny
عضو فعال
الصورة الرمزية Mostafa Elyamny

البيانات
تاريخ التسجيل: Nov 2010
رقم العضوية: 2184
الدولة: ُEGyPT - Sohag
العمر: 32
المشاركات: 816
بمعدل : 0.17 يوميا

الإتصالات
الحالة:
Mostafa Elyamny غير متواجد حالياً
وسائل الإتصال:

كاتب الموضوع : Mostafa Elyamny المنتدى : منتدى تعليم الفوركس
افتراضي رد: Ψ◄███▓▒░░ الفوركس ببساطة ░░▒▓███►Ψ



• الروافع المالية والهامش :

قبل ما ندخل في الموضوع ده وعلى فكرة ده موضوع مهم جدا بس سهل جدا ... هندردش الاول مع بعض ..
ايه رأيك في اليورو / دولار دلوقتي سعره = 1.3000 ايه رأيك انت قولت انا هشتري وهبيع لما السعر يرتفع شوية .. طيب انت اشتريت 100 يورو والسعر ارتفع فعلا وبقى 1.3001 يعني ارتفع نقطة واحدة طيب تعالى نشوف انت لو بيعت دلوقتي هتكسب كام .. انت هتكسب في اليورو الواحد 0.0001 طيب وانت معاك 100 يبقى مكسب 0.01 دولار ينهار ابيض دول بس ؟؟؟!!! ده مش مكملين 10 سنت ( السنت بالنسبة للدولار زي القرش بالنسبة للجنيه المصري ) ... طيب والحل ؟؟؟

الحل أنك تشتري كميات ياريس ... طيب يعني كام مثلا ؟؟ يعني مثلا يا غالي تشتري 100000 يورو .... يعني ياعم مصطفى انا لو معايا 100000 يورو كنت اتكلمت معاك اصلا  ... على فكرة يا عمونا دي تعتبر مش فلوس بالنسبة للسوق ده طيب ايه رأيك هقولك معلومة كده على السريع انت عارف حجم التداول في سوق الفوركس = 4 تيرليون دولار يوميا ..!!!

طيب والعمل ياعم مصطفى ؟؟ العمل يا سيدي الفاضل هو الروافع المالية ..!!
يعني ايه الروافع المالية .؟؟

انا هقولك الروافع المالية دي هي حل اللغز بالنسبة ليك ... طيب برضه يعني ايه ؟؟؟
ركز معايا يا غالي وانا هقولك ... الروافع المالية ببساطة مثلا لو انت معاك 1000 دولار وعاوز تشتري مثلا 100000 يورو أو اي عملة تاني هتقدر تشتري ... طيب ازاي ؟؟ الحكاية وما فيها الشركة مثلا هتقدملك قوة شرائية اضعاف رأس مالك يعني مثلا الشركة هتقولك انا هديلك رافعة مالية 400:1 يعني ايه ؟؟ يعني الشركة هتديلك 400 ضعف لرأس مالك يعني مثلا لو انت عاوز تشتري 100000 يورو ... هتقسم 100000 ÷ 400 = 250 دولار بس ... يعني هتدفع 250 دولار للشركة وهيفضل معاك 750 دولار طيب كويس ياعم مصطفى انا أخد 100000 يورو دول واخلع واضحك على الشركة .. هقولك ماشي يا ابو دم خفيف مكنش حد غلب كنت انا اول واحد اخدت فلوس وخلعت  .. طبعا الفلوس دي مش هتاخدها في أيدك لا الشركة هتشتريلك بيهم ولما تكسب ان شاء الله الشركة هترجعلك الـ 250 دولار بتوعك اللي هما زي تأمين كده وده بنسميه هامش مستخدم .. وهتاخد فلوسها وانت حلال عليك المكسب كامل .. طيب لو خسرت يا مصطفى ؟؟؟ زي ما انت هتاخد المكسب كامل برضه هتتحمل الخسارة كاملة .. بس الخسارة دي هتكون كام مثلا ... طيب ايه رأيك نتكلم بالارقام في مثال بسيط ..

هنفترض ان سعر اليورو مقابل الدولار دلوقتي = 1.3000 وانت معاك في الحساب بتاعك في الشركة 1000 دولار

وخلاص قررت انك هتشتري 10000 يورو علشان انت بتتوقع ان اليورو سعره هيرتفع .. طيب ايه اللي هيحصل كل اللي هيحصل ان الشركة هتسحب منك 10000÷400 = 25دولار ( على فكرة هما مش 25 بالظبط ممكن يكون فيه كسور لان اليورو اغلى من الدولار ودي حاجة متشغلش نفسك بيها البرنامج هيحسب كل حاجة من غير ما توجع دماغك ) اللي هما هامش مستخدم ( زي تأمين ) هيفضل كام معاك في الحساب ؟؟
1000 – 25 = 975 وده المبلغ الباقي في الحساب بتاعك وده هنسميه الهامش المتاح ..
طيب تعالى نفترض افتراضين الاول في حالة المكسب والتاني في حالة الخسارة ( لاقدر الله )
الاول المكسب : طيب افترضنا ان السعر اتغير ووصل 1.3050 يعني السعر اتغير 50 نقطة طيب مكسب هيكون كام ..

0.0050 × 10000 = 50 دولار تمام وانت خلاص قررت انك تنهي الصفقة يعني تبيع اليوروهات اللي انت اشتريتها .. خلاص يبقى الشركة هتاخد 10000 يورو وهترجعلك 25 التأمين ( اللي هما كانوا هامش مستخدم ) وكمان هترجعلك مكسبك كامل اللي هو 50 دولار ..
طيب الافتراض التاني : الخسارة ..

هنفترض ان السعر نزل ( هبط ) ووصل 1.2950 يعني هبط 50 نقطة .. يبقى انت خسران كام ؟؟ ايوه صح كده 50 دولار طيب لو انت قررت انك تقفل الصفقة او تنهيها ... ايه اللي هيحصل ..؟؟ كل اللي هيحصل ان الشركة هتاخد 10000 يورو اللي هما بتوعها وهترجعلك الـ 25 دولار ( هامش مستخدم ) وهتخصم من الهامش المتاح ( 975) الخسارة اللي هي 50 دولار طيب افرض الخسارة زادت ... بص يا سيدي الخسارة ممكن تزيد عادي جدا بس طبعا الشركة مش هتقبل انها تدفعلك من جيبها علشان كده الشركة هتقولك اخسر براحتك بس لو وصلت الخسارة لغاية الهامش المتاح ( اللي هما 975 ) يبقى انا هقفل الصفقة غصب عنك علشان اضمن اخد 10000 يورو كاملين ... ازاي يعني كاملين ..؟؟ انا هقولك انت لو خسرت اكتر من 975 دولار يبقى مفيش حل قدام الشركة غير انها تخصم الخسارة دي من 10000 يورو .. طيب يبقى كده هي مش هتاخد المبلغ كامل ودي فلوس يتامة  طيب سامعك بتقول طيب ما هو فيه 25 دولار وخداهم ضمان ( هامش مستخدم ) طيب يا سيدي في بعض الشركات ممكن تكمل عليهم يعني تستني الخسارة لما توصل 1000 دولار وفي شركات مش بتقرب عليهم يعني تستنى الخسارة لغاية لما توصل 975 وتقفل الصفقة وتاخد 10000 يورو وترجعلك في الحساب 25 دولار ... ولما يحصل كده ( الخسارة توصل للهامش المتاح ) يبقى هنا حصل حاجة اسمها نداء الهامش ....
طيب يبقى كده احنا قولنا كام حاجة تتعلق بالهامش ...؟؟

ايوه بالظبط كده 3 حاجات وهما :

الهامش المستخدم : وده عبارة عن مبلغ التأمين اللي بتخصمه الشركة من حسابك في سبيل انها تزود قدرتك الشرائية .

الهامش المتاح : وده عبارة عن المبلغ الباقي في الحساب بعد خصم الشركة الهامش المستخدم .

نداء الهامش : وده بقى بيجيلك لما الخسارة تزيد وتوصل لغاية الهامش المتاح وساعتها الشركة بتقفل الصفقات المفتوحة غصب عنك .

كده خلصنا كل حاجة متعلقة بالروافع المالية والهامش ..

هنشوف آخر حاجة معانا بس في المشاركة القادمة



التوقيع

نقره لعرض الصورة في صفحة مستقلة

عرض البوم صور Mostafa Elyamny  
رد مع اقتباس
  #6  
قديم 26-07-2014, 12:47 PM
Mostafa Elyamny Mostafa Elyamny غير متواجد حالياً
عضو فعال
افتراضي رد: Ψ◄███▓▒░░ الفوركس ببساطة ░░▒▓███►Ψ



• الروافع المالية والهامش :

قبل ما ندخل في الموضوع ده وعلى فكرة ده موضوع مهم جدا بس سهل جدا ... هندردش الاول مع بعض ..
ايه رأيك في اليورو / دولار دلوقتي سعره = 1.3000 ايه رأيك انت قولت انا هشتري وهبيع لما السعر يرتفع شوية .. طيب انت اشتريت 100 يورو والسعر ارتفع فعلا وبقى 1.3001 يعني ارتفع نقطة واحدة طيب تعالى نشوف انت لو بيعت دلوقتي هتكسب كام .. انت هتكسب في اليورو الواحد 0.0001 طيب وانت معاك 100 يبقى مكسب 0.01 دولار ينهار ابيض دول بس ؟؟؟!!! ده مش مكملين 10 سنت ( السنت بالنسبة للدولار زي القرش بالنسبة للجنيه المصري ) ... طيب والحل ؟؟؟

الحل أنك تشتري كميات ياريس ... طيب يعني كام مثلا ؟؟ يعني مثلا يا غالي تشتري 100000 يورو .... يعني ياعم مصطفى انا لو معايا 100000 يورو كنت اتكلمت معاك اصلا  ... على فكرة يا عمونا دي تعتبر مش فلوس بالنسبة للسوق ده طيب ايه رأيك هقولك معلومة كده على السريع انت عارف حجم التداول في سوق الفوركس = 4 تيرليون دولار يوميا ..!!!

طيب والعمل ياعم مصطفى ؟؟ العمل يا سيدي الفاضل هو الروافع المالية ..!!
يعني ايه الروافع المالية .؟؟

انا هقولك الروافع المالية دي هي حل اللغز بالنسبة ليك ... طيب برضه يعني ايه ؟؟؟
ركز معايا يا غالي وانا هقولك ... الروافع المالية ببساطة مثلا لو انت معاك 1000 دولار وعاوز تشتري مثلا 100000 يورو أو اي عملة تاني هتقدر تشتري ... طيب ازاي ؟؟ الحكاية وما فيها الشركة مثلا هتقدملك قوة شرائية اضعاف رأس مالك يعني مثلا الشركة هتقولك انا هديلك رافعة مالية 400:1 يعني ايه ؟؟ يعني الشركة هتديلك 400 ضعف لرأس مالك يعني مثلا لو انت عاوز تشتري 100000 يورو ... هتقسم 100000 ÷ 400 = 250 دولار بس ... يعني هتدفع 250 دولار للشركة وهيفضل معاك 750 دولار طيب كويس ياعم مصطفى انا أخد 100000 يورو دول واخلع واضحك على الشركة .. هقولك ماشي يا ابو دم خفيف مكنش حد غلب كنت انا اول واحد اخدت فلوس وخلعت  .. طبعا الفلوس دي مش هتاخدها في أيدك لا الشركة هتشتريلك بيهم ولما تكسب ان شاء الله الشركة هترجعلك الـ 250 دولار بتوعك اللي هما زي تأمين كده وده بنسميه هامش مستخدم .. وهتاخد فلوسها وانت حلال عليك المكسب كامل .. طيب لو خسرت يا مصطفى ؟؟؟ زي ما انت هتاخد المكسب كامل برضه هتتحمل الخسارة كاملة .. بس الخسارة دي هتكون كام مثلا ... طيب ايه رأيك نتكلم بالارقام في مثال بسيط ..

هنفترض ان سعر اليورو مقابل الدولار دلوقتي = 1.3000 وانت معاك في الحساب بتاعك في الشركة 1000 دولار

وخلاص قررت انك هتشتري 10000 يورو علشان انت بتتوقع ان اليورو سعره هيرتفع .. طيب ايه اللي هيحصل كل اللي هيحصل ان الشركة هتسحب منك 10000÷400 = 25دولار ( على فكرة هما مش 25 بالظبط ممكن يكون فيه كسور لان اليورو اغلى من الدولار ودي حاجة متشغلش نفسك بيها البرنامج هيحسب كل حاجة من غير ما توجع دماغك ) اللي هما هامش مستخدم ( زي تأمين ) هيفضل كام معاك في الحساب ؟؟
1000 – 25 = 975 وده المبلغ الباقي في الحساب بتاعك وده هنسميه الهامش المتاح ..
طيب تعالى نفترض افتراضين الاول في حالة المكسب والتاني في حالة الخسارة ( لاقدر الله )
الاول المكسب : طيب افترضنا ان السعر اتغير ووصل 1.3050 يعني السعر اتغير 50 نقطة طيب مكسب هيكون كام ..

0.0050 × 10000 = 50 دولار تمام وانت خلاص قررت انك تنهي الصفقة يعني تبيع اليوروهات اللي انت اشتريتها .. خلاص يبقى الشركة هتاخد 10000 يورو وهترجعلك 25 التأمين ( اللي هما كانوا هامش مستخدم ) وكمان هترجعلك مكسبك كامل اللي هو 50 دولار ..
طيب الافتراض التاني : الخسارة ..

هنفترض ان السعر نزل ( هبط ) ووصل 1.2950 يعني هبط 50 نقطة .. يبقى انت خسران كام ؟؟ ايوه صح كده 50 دولار طيب لو انت قررت انك تقفل الصفقة او تنهيها ... ايه اللي هيحصل ..؟؟ كل اللي هيحصل ان الشركة هتاخد 10000 يورو اللي هما بتوعها وهترجعلك الـ 25 دولار ( هامش مستخدم ) وهتخصم من الهامش المتاح ( 975) الخسارة اللي هي 50 دولار طيب افرض الخسارة زادت ... بص يا سيدي الخسارة ممكن تزيد عادي جدا بس طبعا الشركة مش هتقبل انها تدفعلك من جيبها علشان كده الشركة هتقولك اخسر براحتك بس لو وصلت الخسارة لغاية الهامش المتاح ( اللي هما 975 ) يبقى انا هقفل الصفقة غصب عنك علشان اضمن اخد 10000 يورو كاملين ... ازاي يعني كاملين ..؟؟ انا هقولك انت لو خسرت اكتر من 975 دولار يبقى مفيش حل قدام الشركة غير انها تخصم الخسارة دي من 10000 يورو .. طيب يبقى كده هي مش هتاخد المبلغ كامل ودي فلوس يتامة  طيب سامعك بتقول طيب ما هو فيه 25 دولار وخداهم ضمان ( هامش مستخدم ) طيب يا سيدي في بعض الشركات ممكن تكمل عليهم يعني تستني الخسارة لما توصل 1000 دولار وفي شركات مش بتقرب عليهم يعني تستنى الخسارة لغاية لما توصل 975 وتقفل الصفقة وتاخد 10000 يورو وترجعلك في الحساب 25 دولار ... ولما يحصل كده ( الخسارة توصل للهامش المتاح ) يبقى هنا حصل حاجة اسمها نداء الهامش ....
طيب يبقى كده احنا قولنا كام حاجة تتعلق بالهامش ...؟؟

ايوه بالظبط كده 3 حاجات وهما :

الهامش المستخدم : وده عبارة عن مبلغ التأمين اللي بتخصمه الشركة من حسابك في سبيل انها تزود قدرتك الشرائية .

الهامش المتاح : وده عبارة عن المبلغ الباقي في الحساب بعد خصم الشركة الهامش المستخدم .

نداء الهامش : وده بقى بيجيلك لما الخسارة تزيد وتوصل لغاية الهامش المتاح وساعتها الشركة بتقفل الصفقات المفتوحة غصب عنك .

كده خلصنا كل حاجة متعلقة بالروافع المالية والهامش ..

هنشوف آخر حاجة معانا بس في المشاركة القادمة




رد مع اقتباس
قديم 26-07-2014, 12:49 PM   المشاركة رقم: 7
الكاتب
Mostafa Elyamny
عضو فعال
الصورة الرمزية Mostafa Elyamny

البيانات
تاريخ التسجيل: Nov 2010
رقم العضوية: 2184
الدولة: ُEGyPT - Sohag
العمر: 32
المشاركات: 816
بمعدل : 0.17 يوميا

الإتصالات
الحالة:
Mostafa Elyamny غير متواجد حالياً
وسائل الإتصال:

كاتب الموضوع : Mostafa Elyamny المنتدى : منتدى تعليم الفوركس
افتراضي رد: Ψ◄███▓▒░░ الفوركس ببساطة ░░▒▓███►Ψ

هنتلكم عن اخر حاجة معانا في المصطلحات وهي :

• العقد ( اللوت ):

من غير رغي كتير لاني صدعتكم ببساطة انت لما بتشتري الطماطم بتشتريها بالكيلو .. طيب والعصير ؟؟ باللتر .. طيب والارض ؟؟ بالمتر .. طيب والعملات ..؟؟ بالعقد أو اللوت .. وعلى فكرة كلمة عقد هنا غير كلمة عقد اللي الدراجة في حياتنا ..
طيب فيه 3 احجام من العقود ...

الاول : الاستاندرد ... وده حجمه 100000 ( مائة ألف ) وحدة من العملة أي كانت العملة .
التاني : الميني ... وده حجمه 10000 ( عشرة ألآف ) وحدة من العملة .
التالت : المايكرو ... وده حجمة 1000 ( ألف ) وحدة من العملة .

يعني قدامك اهو 3 احجام واشتري اللي يريحك بس متنساش المثل المصري الشهير ... على قد لحافك .. مد رجليك ... !!
وده اللي هنتعلمة مع بعض في إدارة رأس المال المرة القادمة إن شاء الله .

دمتم بكل الود والسلام عليكم ورحمة الله وبركاته .
بعتذر لو فيه اي غلط كتابي لأني بكتب بدون مراجعة ..

أخوكم : مصطفى اليمني .



التوقيع

نقره لعرض الصورة في صفحة مستقلة

عرض البوم صور Mostafa Elyamny  
رد مع اقتباس
  #7  
قديم 26-07-2014, 12:49 PM
Mostafa Elyamny Mostafa Elyamny غير متواجد حالياً
عضو فعال
افتراضي رد: Ψ◄███▓▒░░ الفوركس ببساطة ░░▒▓███►Ψ

هنتلكم عن اخر حاجة معانا في المصطلحات وهي :

• العقد ( اللوت ):

من غير رغي كتير لاني صدعتكم ببساطة انت لما بتشتري الطماطم بتشتريها بالكيلو .. طيب والعصير ؟؟ باللتر .. طيب والارض ؟؟ بالمتر .. طيب والعملات ..؟؟ بالعقد أو اللوت .. وعلى فكرة كلمة عقد هنا غير كلمة عقد اللي الدراجة في حياتنا ..
طيب فيه 3 احجام من العقود ...

الاول : الاستاندرد ... وده حجمه 100000 ( مائة ألف ) وحدة من العملة أي كانت العملة .
التاني : الميني ... وده حجمه 10000 ( عشرة ألآف ) وحدة من العملة .
التالت : المايكرو ... وده حجمة 1000 ( ألف ) وحدة من العملة .

يعني قدامك اهو 3 احجام واشتري اللي يريحك بس متنساش المثل المصري الشهير ... على قد لحافك .. مد رجليك ... !!
وده اللي هنتعلمة مع بعض في إدارة رأس المال المرة القادمة إن شاء الله .

دمتم بكل الود والسلام عليكم ورحمة الله وبركاته .
بعتذر لو فيه اي غلط كتابي لأني بكتب بدون مراجعة ..

أخوكم : مصطفى اليمني .




رد مع اقتباس
قديم 26-07-2014, 12:51 PM   المشاركة رقم: 8
الكاتب
Mostafa Elyamny
عضو فعال
الصورة الرمزية Mostafa Elyamny

البيانات
تاريخ التسجيل: Nov 2010
رقم العضوية: 2184
الدولة: ُEGyPT - Sohag
العمر: 32
المشاركات: 816
بمعدل : 0.17 يوميا

الإتصالات
الحالة:
Mostafa Elyamny غير متواجد حالياً
وسائل الإتصال:

كاتب الموضوع : Mostafa Elyamny المنتدى : منتدى تعليم الفوركس
افتراضي رد: Ψ◄███▓▒░░ الفوركس ببساطة ░░▒▓███►Ψ

السلام عليكم ورحمة الله وبركاته ... عدنا مع نقطة آخرى بعد الانتهاء من المصطلحات في المشاركات السابقة

إن شاء الله اليوم هنتكلم عن أهم شئ في الفوركس ومن غيره هتكون مضارب فاشل 10000000 %

= إدارة رأس المال:

لو مكنتش بتعرف تعوم ومرة واحدة كده قررت انك ترمي نفسك من فوق الكوبري ايه اللي هيحصل ..؟؟ اكيد هتغرق صح ؟؟ يبقى لازم تتعلم أزاي تعوم الاول وبعد كده ترمي نفسك من الكوبري من البلكونة من اي حتة براحتك  ..
اهو إدارة رأس المال دي هي اللي هتعلمك ازاي تقدر ترمي نفسك في السوق من غير ما تغرق .. طيب ازاي ؟؟!
طيب الاول تعالوا نحكي حكاية بسيطة جدا لواحد اسمه عم محمد وواحد اسمه عم سمير...

عم محمد ده كان عنده كشك بقالة صغير وكمان عم سمير عنده كشك بقالة جنب بتاع عم محمد .. وفي يوم من الايام ربنا رزق الاتنين بمبلغ كويس .. قعد عم محمد وعم سمير كل واحد منهم يفكر في بيته ازاي يستغل المبلغ ده بحيث انه يقدر يكسب منه ...
عم محمد وصل لفكرة وهي ::انه يشتري بالمبلغ ده كله بضاعة للكشك بتاعه علشان يكسب فلوس كتير علشان كل لما يجيب كتير هيبيع كتير وهيكسب كتير وبكده يبقى كبر المبلغ بتاعه ..!!

طيب وعم سمير :: قرر انه يشتري بجزء بسيط من المبلغ ده بضاعة ويخلي الباقي معاه تحسبًا للظروف ..
طيب تعالى نشوف ايه اللي حصل بعد كده ...

عم محمد نزل واشترى بضاعة بالمبلغ كله ، وعم سمير نزل واشتري بجزء بسيط من البضاعة والباقي مع الحكومة في البيت 
اليوم اللي بعده عم محمد اتوقع انه هيبيع كتير وهيكسب كتير .. طبعا لانه فاكر ان كل ما اشتري وخزن هيكسب أكتر و أكتر .. فات أول يوم وتاني يوم وتالت يوم .. والبضاعة قاعدة زي ما هي ..!! وعم سمير برضه مش بيبيع كتير والبضاعة قاعده عنده والسوق نايم فجأة الاتنين عرفوا ان في صنف جديد نزل السوق والناس كلها عاوزه تشتريه ... طبعا عم محمد مش عارف يعمل ايه ..!!؟؟ كل الفلوس اشترى بيها بضاعة ومش معاه اي فلوس تاني ... طيب وعم سمير باقي معاه فلوس وعلى طول نزل واشتري الصنف الجديد ده وباع منه والحمد لله كسب وعم محمد قاعد ندمان .. طيب يعمل ايه ؟؟ البضاعة ممكن صلاحيتها تنتهي ويبقى كده خسر كل حاجة ..!! وهو قاعد جاله واحد تاجر وقاله انا ممكن اشتري البضاعة دي كلها بس بنصف سعرها !! عم محمد طبعا كان زعلان جدا جدا جدا لانه لو وافق هيبقى خسر نص فلوسه من غير ما يكسب .. طبعا عم محمد لازم يوافق لان البضاعة خلاص صلاحيتها قربت .. وفعلا اشترى الراجل ده البضاعة وعم محمد خسر نصف فلوسه وعم سمير كسب وزود فلوسه ..

طيب لو حللنا شخصية عم محمد هنلاقي عنده تلات صفات : الطمع -- عدم الصبر – عدم التفكير ..

انما عمر سمير :: مكنش طماع --- كان صبور – وكان بيفكر كويس ..

ها تحب تكون زي مين ؟؟

عم محمد – ولا عم سمير ؟؟؟

سوق الفوركس زي كده بالظبط .. لازم تكون صبور .. لازم تنسى الطمع .. ولازم تفكر كويس ومتخفش .. والاهم من ده كله لازم تكون مؤمن أن رزقك مش هيروح لغيرك ..

طيب ايه رأيك لو نتكلم بمثال عملي ومن الفوركس ونفترض شوية افتراضات .. بس قبل ما نفترض .. ايه رأيكم ناخد كام مصطلح كده على الماشي في المشاركات القادمة



التوقيع

نقره لعرض الصورة في صفحة مستقلة

عرض البوم صور Mostafa Elyamny  
رد مع اقتباس
  #8  
قديم 26-07-2014, 12:51 PM
Mostafa Elyamny Mostafa Elyamny غير متواجد حالياً
عضو فعال
افتراضي رد: Ψ◄███▓▒░░ الفوركس ببساطة ░░▒▓███►Ψ

السلام عليكم ورحمة الله وبركاته ... عدنا مع نقطة آخرى بعد الانتهاء من المصطلحات في المشاركات السابقة

إن شاء الله اليوم هنتكلم عن أهم شئ في الفوركس ومن غيره هتكون مضارب فاشل 10000000 %

= إدارة رأس المال:

لو مكنتش بتعرف تعوم ومرة واحدة كده قررت انك ترمي نفسك من فوق الكوبري ايه اللي هيحصل ..؟؟ اكيد هتغرق صح ؟؟ يبقى لازم تتعلم أزاي تعوم الاول وبعد كده ترمي نفسك من الكوبري من البلكونة من اي حتة براحتك  ..
اهو إدارة رأس المال دي هي اللي هتعلمك ازاي تقدر ترمي نفسك في السوق من غير ما تغرق .. طيب ازاي ؟؟!
طيب الاول تعالوا نحكي حكاية بسيطة جدا لواحد اسمه عم محمد وواحد اسمه عم سمير...

عم محمد ده كان عنده كشك بقالة صغير وكمان عم سمير عنده كشك بقالة جنب بتاع عم محمد .. وفي يوم من الايام ربنا رزق الاتنين بمبلغ كويس .. قعد عم محمد وعم سمير كل واحد منهم يفكر في بيته ازاي يستغل المبلغ ده بحيث انه يقدر يكسب منه ...
عم محمد وصل لفكرة وهي ::انه يشتري بالمبلغ ده كله بضاعة للكشك بتاعه علشان يكسب فلوس كتير علشان كل لما يجيب كتير هيبيع كتير وهيكسب كتير وبكده يبقى كبر المبلغ بتاعه ..!!

طيب وعم سمير :: قرر انه يشتري بجزء بسيط من المبلغ ده بضاعة ويخلي الباقي معاه تحسبًا للظروف ..
طيب تعالى نشوف ايه اللي حصل بعد كده ...

عم محمد نزل واشترى بضاعة بالمبلغ كله ، وعم سمير نزل واشتري بجزء بسيط من البضاعة والباقي مع الحكومة في البيت 
اليوم اللي بعده عم محمد اتوقع انه هيبيع كتير وهيكسب كتير .. طبعا لانه فاكر ان كل ما اشتري وخزن هيكسب أكتر و أكتر .. فات أول يوم وتاني يوم وتالت يوم .. والبضاعة قاعدة زي ما هي ..!! وعم سمير برضه مش بيبيع كتير والبضاعة قاعده عنده والسوق نايم فجأة الاتنين عرفوا ان في صنف جديد نزل السوق والناس كلها عاوزه تشتريه ... طبعا عم محمد مش عارف يعمل ايه ..!!؟؟ كل الفلوس اشترى بيها بضاعة ومش معاه اي فلوس تاني ... طيب وعم سمير باقي معاه فلوس وعلى طول نزل واشتري الصنف الجديد ده وباع منه والحمد لله كسب وعم محمد قاعد ندمان .. طيب يعمل ايه ؟؟ البضاعة ممكن صلاحيتها تنتهي ويبقى كده خسر كل حاجة ..!! وهو قاعد جاله واحد تاجر وقاله انا ممكن اشتري البضاعة دي كلها بس بنصف سعرها !! عم محمد طبعا كان زعلان جدا جدا جدا لانه لو وافق هيبقى خسر نص فلوسه من غير ما يكسب .. طبعا عم محمد لازم يوافق لان البضاعة خلاص صلاحيتها قربت .. وفعلا اشترى الراجل ده البضاعة وعم محمد خسر نصف فلوسه وعم سمير كسب وزود فلوسه ..

طيب لو حللنا شخصية عم محمد هنلاقي عنده تلات صفات : الطمع -- عدم الصبر – عدم التفكير ..

انما عمر سمير :: مكنش طماع --- كان صبور – وكان بيفكر كويس ..

ها تحب تكون زي مين ؟؟

عم محمد – ولا عم سمير ؟؟؟

سوق الفوركس زي كده بالظبط .. لازم تكون صبور .. لازم تنسى الطمع .. ولازم تفكر كويس ومتخفش .. والاهم من ده كله لازم تكون مؤمن أن رزقك مش هيروح لغيرك ..

طيب ايه رأيك لو نتكلم بمثال عملي ومن الفوركس ونفترض شوية افتراضات .. بس قبل ما نفترض .. ايه رأيكم ناخد كام مصطلح كده على الماشي في المشاركات القادمة




رد مع اقتباس
قديم 26-07-2014, 12:53 PM   المشاركة رقم: 9
الكاتب
Mostafa Elyamny
عضو فعال
الصورة الرمزية Mostafa Elyamny

البيانات
تاريخ التسجيل: Nov 2010
رقم العضوية: 2184
الدولة: ُEGyPT - Sohag
العمر: 32
المشاركات: 816
بمعدل : 0.17 يوميا

الإتصالات
الحالة:
Mostafa Elyamny غير متواجد حالياً
وسائل الإتصال:

كاتب الموضوع : Mostafa Elyamny المنتدى : منتدى تعليم الفوركس
افتراضي رد: Ψ◄███▓▒░░ الفوركس ببساطة ░░▒▓███►Ψ

حاجة اسمها (أمر جني الربح ) أو take profit :

ايه ده يا مصطفى وايه اللي جاب البتاع ده هنا ؟؟ معلش ركز معايا وانت هتعرف ان الكلام ده تافه وانا قصدت اني اقولوا هنا ...
انت دلوقتي مثلا لو معاك فدان ارض وكنت شاريه على اساس التجارة بـ 500 ألف جنيه وقولت انا هستنى لما يوصل 750 ألف وهبيع على طول .. وفعلا السعر وصل زي ما انت عاوز بس للأسف انت مكنتش موجود وكنت مسافر ولما جيت من السفر كان السعر نزل تاني ... طيب تعمل ايه لما تسافر المرة الجاية ..؟؟
اكيد طبعا هتشوف سمسار وتقوله لو السعر وصل 750 ألف بيع صح ؟؟

اهو هو ده امر جني الربح انك حددت للسمسار سعر وقولتله لما يوصل لكذا بيع ..
نفس الحكاية بالنسبة في الفوركس .. انك بتقول للشركة لو السعر وصل لغاية كذا خلاص اقفل الصفقة على الربح ده من غير ما ترجعلي ..

طيب ده في حالة الربح ولو في حالة الخسارة .. تعالوا نشوف المشاركة القادمة



التوقيع

نقره لعرض الصورة في صفحة مستقلة

عرض البوم صور Mostafa Elyamny  
رد مع اقتباس
  #9  
قديم 26-07-2014, 12:53 PM
Mostafa Elyamny Mostafa Elyamny غير متواجد حالياً
عضو فعال
افتراضي رد: Ψ◄███▓▒░░ الفوركس ببساطة ░░▒▓███►Ψ

حاجة اسمها (أمر جني الربح ) أو take profit :

ايه ده يا مصطفى وايه اللي جاب البتاع ده هنا ؟؟ معلش ركز معايا وانت هتعرف ان الكلام ده تافه وانا قصدت اني اقولوا هنا ...
انت دلوقتي مثلا لو معاك فدان ارض وكنت شاريه على اساس التجارة بـ 500 ألف جنيه وقولت انا هستنى لما يوصل 750 ألف وهبيع على طول .. وفعلا السعر وصل زي ما انت عاوز بس للأسف انت مكنتش موجود وكنت مسافر ولما جيت من السفر كان السعر نزل تاني ... طيب تعمل ايه لما تسافر المرة الجاية ..؟؟
اكيد طبعا هتشوف سمسار وتقوله لو السعر وصل 750 ألف بيع صح ؟؟

اهو هو ده امر جني الربح انك حددت للسمسار سعر وقولتله لما يوصل لكذا بيع ..
نفس الحكاية بالنسبة في الفوركس .. انك بتقول للشركة لو السعر وصل لغاية كذا خلاص اقفل الصفقة على الربح ده من غير ما ترجعلي ..

طيب ده في حالة الربح ولو في حالة الخسارة .. تعالوا نشوف المشاركة القادمة




رد مع اقتباس
قديم 26-07-2014, 12:54 PM   المشاركة رقم: 10
الكاتب
Mostafa Elyamny
عضو فعال
الصورة الرمزية Mostafa Elyamny

البيانات
تاريخ التسجيل: Nov 2010
رقم العضوية: 2184
الدولة: ُEGyPT - Sohag
العمر: 32
المشاركات: 816
بمعدل : 0.17 يوميا

الإتصالات
الحالة:
Mostafa Elyamny غير متواجد حالياً
وسائل الإتصال:

كاتب الموضوع : Mostafa Elyamny المنتدى : منتدى تعليم الفوركس
افتراضي رد: Ψ◄███▓▒░░ الفوركس ببساطة ░░▒▓███►Ψ

لو انت مثلا فاتح صفقة ( يعني شاري عملة معينة ) مثلا من السعر 1.5000 على اساس انها هترتفع وقولت للشركة لو السعر وصل 1.5050 خلاص اقفلي الصفقة على الربح ده ( 50 نقطة ) .. طيب لو قدر ربنا والسعر نزل وانت مش موجود قدام الشاشة وفضل ينزل ينزل لغاية لما جالك نداء الهامش ... فاكره ؟؟ ينهار ابيض يعني لما ترجع وتفتح حسابك هتلاقيه اتدمر ... طيب وايه الحل ..؟؟ انت ممكن تقول انا خليني اقول للشركة لو السعر نزل لغاية 1.4950 ( يعني – 50 ) اقفلي الصفقة على الخسارة دي لان انت متوقع
لو السعر وصل للنقطة دي يبقى لسه قدامه مزيد من الهبوط ( هنتعلم ازاي تتوقع الحاجات دي بعدين ) ..

ده بقى اسمه امر وقف الخسارة ..

هنرجع نكمل كلامنا عن المثال اللي كنا بنتكلم فيه في المشاركة القادمة

تحياتي



التوقيع

نقره لعرض الصورة في صفحة مستقلة

عرض البوم صور Mostafa Elyamny  
رد مع اقتباس
  #10  
قديم 26-07-2014, 12:54 PM
Mostafa Elyamny Mostafa Elyamny غير متواجد حالياً
عضو فعال
افتراضي رد: Ψ◄███▓▒░░ الفوركس ببساطة ░░▒▓███►Ψ

لو انت مثلا فاتح صفقة ( يعني شاري عملة معينة ) مثلا من السعر 1.5000 على اساس انها هترتفع وقولت للشركة لو السعر وصل 1.5050 خلاص اقفلي الصفقة على الربح ده ( 50 نقطة ) .. طيب لو قدر ربنا والسعر نزل وانت مش موجود قدام الشاشة وفضل ينزل ينزل لغاية لما جالك نداء الهامش ... فاكره ؟؟ ينهار ابيض يعني لما ترجع وتفتح حسابك هتلاقيه اتدمر ... طيب وايه الحل ..؟؟ انت ممكن تقول انا خليني اقول للشركة لو السعر نزل لغاية 1.4950 ( يعني – 50 ) اقفلي الصفقة على الخسارة دي لان انت متوقع
لو السعر وصل للنقطة دي يبقى لسه قدامه مزيد من الهبوط ( هنتعلم ازاي تتوقع الحاجات دي بعدين ) ..

ده بقى اسمه امر وقف الخسارة ..

هنرجع نكمل كلامنا عن المثال اللي كنا بنتكلم فيه في المشاركة القادمة

تحياتي




رد مع اقتباس
إضافة رد

مواقع النشر (المفضلة)

الكلمات الدلالية (Tags)
Ψ◄███▓▒░░, ░░▒▓███►Ψ, الفوركس, ببساطة

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 02:21 PM



جميع الحقوق محفوظة الى اف اكس ارابيا www.fx-arabia.com

تحذير المخاطرة

التجارة بالعملات الأجنبية تتضمن علي قدر كبير من المخاطر ومن الممكن ألا تكون مناسبة لجميع المضاربين, إستعمال الرافعة المالية في التجاره يزيد من إحتمالات الخطورة و التعرض للخساره, عليك التأكد من قدرتك العلمية و الشخصية على التداول.

تنبيه هام

موقع اف اكس ارابيا هو موقع تعليمي خالص يهدف الي توعية المستثمر العربي مبادئ الاستثمار و التداول الناجح ولا يتحصل علي اي اموال مقابل ذلك ولا يقوم بادارة محافظ مالية وان ادارة الموقع غير مسؤولة عن اي استغلال من قبل اي شخص لاسمها وتحذر من ذلك.

اتصل بنا

البريد الإلكتروني للدعم الفنى : support@fx-arabia.com
جميع الحقوق محفوظة اف اكس ارابيا – احدى مواقع Inwestopedia Sp. Z O.O. للاستشارات و التدريب – جمهورية بولندا الإتحادية.
Powered by vBulletin® Copyright ©2000 - 2024 , Designed by Fx-Arabia Team