ما وراء الفوركس وكيفة تستفيد
السلام عليكم ورحمة الله وبركاتة منتدانا الجميل واعضاؤة الناس الحلوة كلها
عملت الموضوع دة مستقل لوحدة بعيدا عن الورشة عشان اللى ميعرفش يعرف واللى عندة معلومة يضيفها عشان الناس الجديدة والناس اللى شايفة الفوركس هدخل اجيب مليون واطلع تحط لنفسها حدود وتعملها خطة تعرف تجيب المليون دة
اعرف زملاء وهنا فى المنتدي عملوا مكاسب رهيبة من الفوركس والااااافات كمان بس الناس دى ماشية بخطة مش ماشية ان انا عاوز اجيب المليون .. راجل عمل خطة واتعلم ومشي عليها بادارة راس مال ودخول مناسب وتوكل على الله ونجح
واحد بيسألني على الخاص بيقولى هو انا لية بخسر مع اني شايف نفسي محلل قوي الاجابة عشان اللى ميعرفش يستفاد ومن الاخر يعني 
كتر وجودك فى السوق هيخسرك بجد ؟ اة والله بجد! , طب يعني اعمل اية ؟ بدل ماتدخل الفرصة اللى نسبتها 80% اللى انت شايفها كمحلل قوي ادخل الفرصة اللى نسبتها 99% اللى انت شايفها كمحلل قوي طيب منا كدة هكون برة السوق كتير . اهة مهو دة المطلوب
مثال حلو اتقالى اول شهر فى الفوركس
بيقولك هو ينفع ابيع المانجا فى الشتا
طب ممكن ابيع الرومان فى الصيف
ولا ينفع دة ولا دة طيب لية ؟!
عشان مش وقتة ومش هيكون طعمة حلو ومحدش هيشترية وهخسر!
طيب امتي هبيع او هشتري الحاجة دي ؟؟
هستني اما ييجي وقتها
كلمة هستني دى حط تحتها 40 مليون خط
هو الفوركس عامل زي اللى انا بقولة دة بظبط , ماتروحش تسمعلى واحد عمل 30.000 دولار فى اسبوع تقولى انا عاوز اعمل زيية .gif)
ابسلوتلى نو
السوق مش كل يوم زي بعض انهاردة مش بتاعك بتاع التجار والماركت ميكر بكرة هييجي يومك وهتدخل فية , السوق عمرك ولا انا ولا انت ولا العالم كلة هتجبرة على حركة هو مش عاوز يعملها
انت ممكن تكون محلل قوي جدا بس بتدخل غلط ووقتك غلط .gif)
امال اعمل اية ؟ طب اية رايك تفلتر الاماكن العشوائية اللى بتدخل منها وتختار منطقة نضيفة تدخل منها وتديلة على دماغة .gif)
طيب والمكان دة مجاش انهاردة ؟!
ياسيدي والله بكرة هييجي بس محتاج شوية وقت وبعد كدة .gif)
انا فهمت خلاص انا كدة هكون برة السوق لحد ما السوق يقولى
الله ينور عليك دى كانت حاجة واحدة من المشاكل اللى ناس مبتداة وناس عاوز تعرف اكتر عن الفوركس ويكون درس مراجعة للناس القديمة واللى عارفة الكلام دة
اللى عندة اضافة للموضوع دة شرف ليا انة يضيف هنا فى موضوعة ليستفيد الجميع اجازة سعيدة على الجميع
