السلام عليكم ورحمة الله وبركاته
انا اخوكم محمد الخولى انا كنت عاوز انبه لخطا يقع فيه معظم مشرفين ومحللين اف اكس اربيا
كثير منكم يعطى توصيات ويفتح ورش ووعود وكلام معسول وغيره ولكن النتيجة النهائية ما تبوء بالفشل
ولكن بالفشل لمن للمضارب العادى اللى بيتبع توصياتكم وحسابه بيصفر ولكن انتم غير مضررون
معلش انا بتكلم بصراحة محدش يزعل منى انا اريد فقط ان نجد حل للمشكلة
ازاى انتوا بضرونا وانتم غير مضررون
اولا انا من حوالى 5 اشهر لما اتعلمت الفوركس بفضل منتداكم
قرات حاجة فى مواضيع الشرح للمنتدى اللى المفروض انتوا تعملون لصالحه
وكثيرا ما تنصحون به المضاربين الجدد ولكن انتم لا تنفذونه الا وهو ان الهدف لازم يكون ضعف الاستوب
كل المحللين واللى فاتحين ورش مثل المصرى والروينى وابو عافية واحمد صلاح وغيرهم
كل توصياتهم بتكون الهدف اقل من الاستوب وهذه كارثة ونادر حتى ما بنجد واحد حاطط على اقل تقدير الهدف مساوى الاستوب
لا والكارثة الاكبر انهم بيجوا فى فترة لما تكون الصفقة ماشية فى نفس الاتجاه بيقولك نغلق الصفقة الان ونكتفى بهذا القدر من الارباح
بس لما تكون الصفقة عاكسة عليه بيخليها عادى تضرب ستوب مبيقولش لا نكتفى بهذه الخسارة
مش مكفيهم ان الهدف اقل من الاستوب
بيوقف الصفقة قبل البروفت وفى حالة اللوز بيسيبوا يضرب عادى
والنتيجة الحساب بيصفر بالنسبة للمتابع العادى اما هو حسابه صفر مصفرش هو كدا كده بياخد فلوس مقابل عمله فى المنتدى من الدكتور اسامة
يعنى مش فارقة معاه حاجة
معلش محدش يزعل من صراحتى هذا عتاب من اخ لاخوه
طيب خلينا نفكر هو ليه بيعمل الاستوب اكتر من البروفت
لسبب اخر
انا اتعلمت من دروس المنتدى ان الواحد ميخدش السعر من نص الطريق يعنى الواحد مثلا يستنى مقاومة او دعم ويبتدى يشتغل عليه
لو كان المحللين بيعملوا كده كان على اقصى تقدير هايعمل الاستوب بعد 30 او 35 نقطة وهذا يعتبر فعلا اختراق للمقاومة او الدعم
وكان برضه الهدف هايكون على بعد من 80 الى 100 نقطة يعنى اكتر من الضعف
وبرضه فى ناس كتير بتشتغل عكس الاهتجاه العام زى المنشاوى من دخل فى ورشته حقق خسارة اكتر من 600 نقطة
وطبعا دا كله هين مفيهوش مشكله كبيره يعنى انت لو مدينى ستوب او هدف انا حاسبها وعارف اكتر حاجة ممكن اخسرها كام اما
بالنسبة للى مبيعملش اصلا ستوب لوز فدى الكارثة الكبرى ونبه عليها دكتور اسامه وبرضه الروينى كل صفقاته بدون ستوب
انا واحد بثق جدا فى اتنين فى المنتدى اولا المصرى والثانى الروينى
بس المصرى رغم انه فى الفترة الاخيرة غير موفق الى حد ما بس بيحط استوب
اما الروينى اصلا مبعرفش ادخل فى صفقاته لانها بدون استوب
والمشكله انه بيفتح حساب ب 10 الاف فى الورشه وبيعمل النقطة ب 1 دولا فقط
النتيجة انوا بيحقق مكاسب واللى بيدخل معاه بيخسر لانه رصيده مبيستحملش التبريد والدكتور اسامة نبه مره من حوالى اسبوع على حكايه الاستوب لو ز
الحل ان احنا نعمل بالنصائح اللى اللى بنقولها للمتابعين ميبقاش كلام على ورق
وياريت محدش يقولى بص وشوف نتائج الورش ها تلاقيها معظما ايجابية
انا قولت مرة ان الحساب يبقى 10000 والنقطة 1 بس ولكن الشخص العادى بيكون حسابه اقل من كده ومبيستحملش
ليه كلنا بنلهث وراء الخسارة بنحدد بروفت بس مبنحددش لوز المفروض العكس
ارجو ان اجد رد منكم وارجوا ان لا يكون كلامى تقيل على حد هذا فقط محاولة لايجاد حل للمشكله ليس اكثر ولا اقل
انا اذا لم اكن احبكم كنت دورت على منتدى اخر وكنت لم اكتب هذا الموضوع
تقبلوا تحياتى
محمد الخولى
وانتظروا موضوع اخر فيه حل فعلى للمشكله من وجهة نظرى ورحلة للوصول للمليون بجد
والسلام عليكم ورحمة الله وبركاته

ملاحظات قيمه وهامه ،،، ولكن بالنسبة الى اخونا الرويني فهو لا يضع توصيات وانما تحليلات ،،،

ملاحظات قيمه وهامه ،،، ولكن بالنسبة الى اخونا الرويني فهو لا يضع توصيات وانما تحليلات ،،،
شكرا لمرورك وابداء رئيك فى الموضوع بس الروينى فاتح ورشة فى قسم الورش المختارة
بيحط فيها صفقات بدون استوب

أهلاً محمد ،،،،

موضوعك جميل و يعجبني صراحتك بس موضوع الحساب الي بـ 10000 دولار و النقطة بدولار فهذا هو شرط التقيم في قسم الورش المختاره في المنتدي .
لذلك يجب علي كل صاحب ورشة فتح حساب ديمو بقيمة 10000 دولار و الدخول بقيمة واحد دولار علي كل زوج و لا يزيد و لا يقل عن 1 دولار . و التبريد أو التعزيز يكون كل 50 نقطة
هذه هي شروط
الشروط لا تلزم أحد بوضع أستوب لوز لصفقاتة لأنة بالفعل داخل بإداره رأس مال سليمة و يقوم بالتعزيز لصفقاتة كل 50 نقطة
لذلك يا محمد لابد لك عند دخولك مع أي مزود توصيات مهما كان أن تدخل بما يتناسب مع رأس مالك و لا تنظر أبداً لحجم العقود التي يدخل بها مزود التوصيات .
بالاضافة إلي أن دخولك مع أي مزود توصيات يكون بإقتناعك و علي مسؤليتك كاملة .

بالأضافة أعتقد أن من الافضل عند دخولك مع أي مزود توصيات لا تعتمد علي الاستوب و الاهداف التي يضعها بنسبة كبيره . فمن الممكن أن يكون أهدافة بعيدة و أستوبة بعيد لا يتناسب معك
فيمكن لك أن تجني أرباحك قبل تحقيق هدف مزود التوصيات أو أن تخرج من التوصية بأقل خساره إذا رأيت أن توصية تعكس عليك

أتمني لك التوفيق

الرد بالمختصر السوق مش حاجة سهلة أو لية قواعد ثابتة عشان نمشى عليها
رأيى الشخصى الستوب لوز هو بداية الخسارة لان الاستوب لازم يكون على اغلاقات دايلى أو ويكلى
لما تلتزم الخسارة متزعلكش والسوق لما يزبط حتعرف بسهولة تعوض طالما أنت مازلت فية
.................................................. ......
مثال أنا كسبت فى اول اسبوعبن 900 نقطة= 800 دولار ثم خسرت 1300 نقطة بما يساوى 900 دولار
والان خسران من الرصيد الاساسى 941 بيب بما يساوى 530 دولار أى 5.3% من الرصيد
ياترى شايف دى نسبة جامدة متتعوضش بعد كدة
.................................................. .......
النقطة الاساسية عشان تفهم وجهة نظرى هى لو حسابك 1000 دولار ( أقل مبلغ فى نظرى عشان تفكر تشتغل )
هتدخل النقطة بكام نقول 10سنت وهتبرد 3 مرات كل 100 بيب يبقى لو السعر عكس عليك 500 بيب تخسر 140 دولار =14%
ولو ارتد 200 نقطة الخسارة هتقل ل 60 دولار وتقفل على كدة وتبدأ تانى والاحسن انك توزع المخاطرة على كذا عملة
تعالى بقى لنظرية الاحتمالات اللى بتقول ان فرصة 50:50 السعر يمشى مع المضارب فى الاتجاة اللى هو حددة
.................................................. ..........
لكن المشكلة اننا بنقلل فرصنا باللوت العالى و الاهداف الصغيرة التى تستلزم استوب يسهل ضربه
دة غير الخوف والطمع لو داخل تقيل (العامل النفسى ضدك)
ولو دة محصلش فى أول الحساب ومشت كويس بيجى فترة فى السوق بيغربلك وساعتها المارجن
ولما يعدل ماتقدرش تعوض لأنك بالفعل خارج السوق
خلاصة تجربتى فى السوق لو دبلت فى سنة أو 6-8 شهور يبقى لوز
من رضى بقليلة كسب وفى أسوء الظروف مخسرش كل حاجة

واللهي يا استاذ محمد انا شايف ان اللي فاتح ورشة وبيدي توصيات مضربش حد علي ايده عشان يشتغل معاه الراجل بيحط التوصية وانت وراحتك لو مقتنع بتدخل مش مقتنع مبتدخلش ياراجل دا حتي التوصيات الرسمية لعملاء ارابيا بنفس الطريقه لجنة التوصيات بتدي التوصية واولا واخيرا انت المسئول عن حسابك وكمان كل واحد بيدخل توصية المفروض انه بيدخل بادارة راس مال تناسب رصيده ... يعني لو مزود التوصية دخل بدولار هل انت مطالب انك تدخل بدولار زيه لا طبعا ... اما موضوع الاستوب لوز فدا مش شرط في ناس كتير بتشتغل من غير استوب ... اه احنا اتعلمنا اننا نشتغل باستوب ودا شيء مهم للمتاجرة بامان في الفوركس لكن في بعض الاحيان في طرق بتحتاج مرونه في التعامل زي التبريد او المضاعفات ودي طرق مربحه جدا ولو داخل صح وواخد بوزيشن مظبوط بتخرج بامان واجادتها فيها خير كبير لاي متاجر ورغم كدا مبتعتمدش علي استوب ... اتمني تاخد كلامي بصدر رحب وفي الاخر كلنا اخوات وبندور علي الصالح العام وفي انتظار فكرتك عن رحلة المليون ... تحياتي يا صديقي

اخى العزيز

اولا : ان ورشتى كسبانة اكثر من 2000 نقطة خلال 3 اسابيع واللذيذ ان حسابى الحقيقى خسران 1000 نقطة هذا الاسبوع !!!!

ثانيا : الحساب الحقيقى معناه خوف وقلق وطمع وتسرع
انما الديمو معناه روقان وصبر وقناعة بالمكسب القليل

ثالثا : انت المفروض تدخل صفقاتك بالتناسب مع رأس المال لصاحب الورشة يعنى لو انا رأس مالى 10000 دولار وبخش ب 1 دولار اذن لو انت رأس مالك 1000 دولار اذن تدخل ب 10 سنت .. وهكذا اذن العيب منك انت لانك طمعت او لاتعرف ادارة رأس المال

رابعا : اتحداك ان تأتى بورشة فى هذا المنتدى تكون اجمالى نقاطها خسرانة فى اخر الشهر فليس من المنطقى ان تكسب عن طريق ورشة صفقتين او ثلاثة او اربعة وعندما تخسر فى الخامسة تلوم صاحب الورشة

خامسا : اصحاب الورش والتوصيات الغير شغالين فى الموقع فلايأخذون نقود على توصياتهم وتحليلاتهم ولن يأخذوا شهادات تقدير
لذا فكتر خيرهم على ما يفعلوه

سادسا : لاتحكم على ورشة توصيات او مزود توصيات الا بالنتيجة الاجمالية لأخر الشهر

اخيرا : وهى نصيحة : لن تتعلم الا عندما تخسر بنفسك وبسبب تحليلك انت الخاطىء ولن تتعلم الا عندما تلوم نفسك وليس لوم الاخرين

اهلا يا غالي وموضوعك في محله تماما ان الهدف لازم يكون ضعف الاستوب او اقل تقدير الهدف = الاستوب

والي تلاقيه عامل هدف اقل من الاستوب يبقي تحليله ضعيف وغير واثق من الصفقة

انما حكاية اللوت الميني فده من شروط التقييم في الورش المختارة انت تقدر تخش باللوت الي انت عايزه

اما التبريد فده يعتمد علي حسابك لو حسابك يستحمل تخش الصفقة الي فيها تبريدات

والتبريد بيكون جميل جدا لما تكون داخل صح انا مثلا مبرد عقدين تبيرد علي الباوند يعني عكس عليا 100 نقطة والنهاردة رجعلي تاني لنقطة دخولي والهدف بتاع اول عقد يعني 100 نقطة + علي زوج واحد

والاستاذ احمد الرويني طبعا محلل محترف وعارف امتي يبرد وامتي يحط استوب :1:

الف شكر لك اخى على موضوعك
انا رأى الشخصى
وسبب خسارة اى عضو بيكون لانه بأخذ من كل واحد الخسارة وبس ولاكنه لو اتبع توصيات عضو واحد ناجح هيكون ناجح وسبب الخسارة دائما بيكون سوء ادارة وليس لان مرسل التوصيه فاشل لان نتائج المرسل النهائيه مربحه وما شاء الله يوجد هنا فى المنتدى اكثر من موضوع ناجح ونتائجه ممتازة

والي تلاقيه عامل هدف اقل من الاستوب يبقي تحليله ضعيف وغير واثق من الصفقة




مش شرط ياكيمو الاستوب و البروفيت على حسب وقت السوق ومكان السعر وحاجات كتير واهمها رأس المال قد ايه !! انا ممكن اعمل صفقة ويكون الهدف 100 نقطة والاستوب 10 وممكن العكس
فليس معنى ان هدفى اقل من الاستوب يبقى انا تحليلى ضعيف ومش واثق فى الصفقة !!

قبل اى شىء طبعا توفيق ربنا اهم شىء
انا الحمد لله لى اكثر من ورشه قديمه والاستوب اضعاف الهدف والنتائج ناجحه
اذا ففكرة الاستوب اقل من الهدف ليست خطأ ولاكن الذى يدير الصفقات هو الخطأ

اهلا يا غالي
مشكور على الصراحه
وهذه الملاحظات تكون بناءه ،،

انا لا اريد ان ادافع عن احد ،،
ليش شرط النجاح ان يكون الهدف ضعف الستوب
ولكن هي اسلوب متاجره ممتاز :: ننصح فيه ولكن لا نجبر احد على التقيد فيه
لانو ممكن تكون استراتيجيه تحقق 20 نقطه ولكن تحتاج الى 40 نقطه ستوب ،، وهذا شي طبيعي جدا

ولكن ملاحظتك اننا يجب ان ننتظر السعر حتى يصل الى مستوياتنا الموضوعه على الشارت
هي من اهم الملاحظات
لانها ستجبرنا على وضع الهدف ضعف الستوب
والستوب يكون صغير جدا مقارنه بالهدف

تحياتي يا غالي

الرد بالمختصر السوق مش حاجة سهلة أو لية قواعد ثابتة عشان نمشى عليها
رأيى الشخصى الستوب لوز هو بداية الخسارة لان الاستوب لازم يكون على اغلاقات دايلى أو ويكلى
لما تلتزم الخسارة متزعلكش والسوق لما يزبط حتعرف بسهولة تعوض طالما أنت مازلت فية
.................................................. ......
مثال أنا كسبت فى اول اسبوعبن 900 نقطة= 800 دولار ثم خسرت 1300 نقطة بما يساوى 900 دولار
والان خسران من الرصيد الاساسى 941 بيب بما يساوى 530 دولار أى 5.3% من الرصيد
ياترى شايف دى نسبة جامدة متتعوضش بعد كدة
.................................................. .......
النقطة الاساسية عشان تفهم وجهة نظرى هى لو حسابك 1000 دولار ( أقل مبلغ فى نظرى عشان تفكر تشتغل )
هتدخل النقطة بكام نقول 10سنت وهتبرد 3 مرات كل 100 بيب يبقى لو السعر عكس عليك 500 بيب تخسر 140 دولار =14%
ولو ارتد 200 نقطة الخسارة هتقل ل 60 دولار وتقفل على كدة وتبدأ تانى والاحسن انك توزع المخاطرة على كذا عملة
تعالى بقى لنظرية الاحتمالات اللى بتقول ان فرصة 50:50 السعر يمشى مع المضارب فى الاتجاة اللى هو حددة
.................................................. ..........
لكن المشكلة اننا بنقلل فرصنا باللوت العالى و الاهداف الصغيرة التى تستلزم استوب يسهل ضربه
دة غير الخوف والطمع لو داخل تقيل (العامل النفسى ضدك)
ولو دة محصلش فى أول الحساب ومشت كويس بيجى فترة فى السوق بيغربلك وساعتها المارجن
ولما يعدل ماتقدرش تعوض لأنك بالفعل خارج السوق
خلاصة تجربتى فى السوق لو دبلت فى سنة أو 6-8 شهور يبقى لوز
من رضى بقليلة كسب وفى أسوء الظروف مخسرش كل حاجة

السلام عليكم استاذ منشاوى
تحية طيبة وبعد
اولا مش عاوزك تكون زعلان من كلامى (عتاب اخ لاخوه) بالاضافة اننى اثق فى تحليلك وكمان ال600 نقطة الخسارة انا اصلا مكنتش معاك فيهم
بالنسبة لادارة راس المال الصحيحة انا اعلمها جيدا واعرف انها اهم سر فى نجاح الفوركس
بس فى مشكلة كبيرة الا وهى الورش المفتوحة الورش المفتوحة الرصيد ب 10000 وقيمة النقطة ب1 دولار
والكل يعلم ان دا اقل بكتير من الادارة الصحيحة كل المواضيع بتقول ان ال100$ نشتغل ب 10 سنت
يعنى انت محتاج 1000 نقطة خسارة علشان الرصيد يصفر وانت بالادارة اللى شغال بيها واللى كل الورش شغالة بيها اقل عشر مرات من المفروض واللى متعارف يعنى باختصار المفروض دكتور اسامة يخلى حساب الورشة
الف مش عشرة الاف لو انا فاتح حساب ب 100$
نجيب منين شركة بتتعامل ب واحد سنت
خصوصا ان كل المضاربين الجدد هو دا المبلغ اللى بيفتحوا بيه
واعتقد ان مبلغ 1000 دا كبير بالنسبة لهم
وبالنسبة لعدم تحديد ستوب فالدكتور اسامة سمح بيه بشرط ميكونش موجود انحناء جامد للمنحنى
على فكرة انت اول واحد ارد عليه رغم ان مش انت اول واحد عامل تعليق
بس محبتكش تكون زعلان منى
تقبل تحياتى
محمد الخولى

مش شرط ياكيمو الاستوب و البروفيت على حسب وقت السوق ومكان السعر وحاجات كتير واهمها رأس المال قد ايه !! انا ممكن اعمل صفقة ويكون الهدف 100 نقطة والاستوب 10 وممكن العكس
فليس معنى ان هدفى اقل من الاستوب يبقى انا تحليلى ضعيف ومش واثق فى الصفقة !!


اهلا يا فاروق

انا بكلم عن كده ان مثلا هدف 100 واستوب 30 او 40 يبقي انت داخل صح ومن افضل مكان للفرصة ونسبة نجاح الصفقة كبيرة تكاد تكون 90%

انما انك تخش وهدف 50 مثلا واستوب 100 يبقي انت داخل في النص وغلط يبقي افضلك مش تخش خالص وتشوف فرصة اقوي ولا ايه رايك ؟

ومش فاهم قصدك بعلاقة راس المال بتحديد الاستوب

اهلا يا فاروق


انا بكلم عن كده ان مثلا هدف 100 واستوب 30 او 40 يبقي انت داخل صح ومن افضل مكان للفرصة ونسبة نجاح الصفقة كبيرة تكاد تكون 90%

انما انك تخش وهدف 50 مثلا واستوب 100 يبقي انت داخل في النص وغلط يبقي افضلك مش تخش خالص وتشوف فرصة اقوي ولا ايه رايك ؟

ومش فاهم قصدك بعلاقة راس المال بتحديد الاستوب

انا متعود دايما احط الاستوب فى المكان اللى انا متأكد ان لو السعر راحله اذن هيكمل طريقة وبشده سواء بقه 10 نقط او 100 نقطة وبرضه على حسب الوقت يعنى لو فى الاسيوية انا هصبر انما لو الاوروبية مش هصبر

وبالنسبة لقصدى بعلاقة رأس المال بتحديد الاستوب

مثلا انا لو رأس مالى 10000 دولار وبخش العملية ب 1 دولار فطبيعى انى هصبر على انعكاس السعر 100 و200 نقطة وكمان هعزز ( طبعا فى حالة تأكدى ان السعر هيرجعلى تانى )

زى النهاردة مثلا انا فاتح شراء على اليورو دولار وبعزز ومعاه لحد
1.2950 لكن ده فى الحساب ابو 10000 دولار لكن فى الحقيقى بتاعى انا اغلقت الشراء من سعر 1.3240 وفتحت بيع وهكذا يعنى يامعلم كيمو:1:

السلام عليكم استاذ منشاوى
تحية طيبة وبعد
اولا مش عاوزك تكون زعلان من كلامى (عتاب اخ لاخوه) بالاضافة اننى اثق فى تحليلك وكمان ال600 نقطة الخسارة انا اصلا مكنتش معاك فيهم
بالنسبة لادارة راس المال الصحيحة انا اعلمها جيدا واعرف انها اهم سر فى نجاح الفوركس
بس فى مشكلة كبيرة الا وهى الورش المفتوحة الورش المفتوحة الرصيد ب 10000 وقيمة النقطة ب1 دولار
والكل يعلم ان دا اقل بكتير من الادارة الصحيحة كل المواضيع بتقول ان ال100$ نشتغل ب 10 سنت
يعنى انت محتاج 1000 نقطة خسارة علشان الرصيد يصفر وانت بالادارة اللى شغال بيها واللى كل الورش شغالة بيها اقل عشر مرات من المفروض واللى متعارف يعنى باختصار المفروض دكتور اسامة يخلى حساب الورشة
الف مش عشرة الاف لو انا فاتح حساب ب 100$
نجيب منين شركة بتتعامل ب واحد سنت
خصوصا ان كل المضاربين الجدد هو دا المبلغ اللى بيفتحوا بيه
واعتقد ان مبلغ 1000 دا كبير بالنسبة لهم
وبالنسبة لعدم تحديد ستوب فالدكتور اسامة سمح بيه بشرط ميكونش موجود انحناء جامد للمنحنى
على فكرة انت اول واحد ارد عليه رغم ان مش انت اول واحد عامل تعليق
بس محبتكش تكون زعلان منى
تقبل تحياتى
محمد الخولى
انا على فكرة ياباشا نا بتعامل مع شركة بتتعامل بالسنت لو عايز وموثوق منها

اهلا يا فاروق


انا بكلم عن كده ان مثلا هدف 100 واستوب 30 او 40 يبقي انت داخل صح ومن افضل مكان للفرصة ونسبة نجاح الصفقة كبيرة تكاد تكون 90%

انما انك تخش وهدف 50 مثلا واستوب 100 يبقي انت داخل في النص وغلط يبقي افضلك مش تخش خالص وتشوف فرصة اقوي ولا ايه رايك ؟

ومش فاهم قصدك بعلاقة راس المال بتحديد الاستوب

السلام عليكم
صح كلامك استاذ كيمو دا اللى انا ذكرته وهو ان الدخول من نص الطريق دا اللى بيخلى الاستوب اكبر م الهدف
اما اذا كان الدخول من بداية المقاومة او الدعم او الترند دا بيخلى الاستوب اكبر من الهدف
لات ببساطة 30 او 35 نقطة دى كافية لاختراق احداهما ويخلى الهدف كبير ممكن تلاتة اضعاف مش ضعف بس
ورجاء من اى حد فاتح ورشة ميخدش الصفقة من النص
تقبل تحياتى
محمد الخولى

والله يا محمد ما فى أى زعل ولا حاجة لأن كل اللى بتقوله وحاسس بية أنا مريت بيه قبل كدة فى بداياتى
بس فعلا ردى كان من واقع التجربة عشان أحاول اساعدك بعد 5 سنين فوركس محاولات
أولا كون ان الحساب محتاج 1000 بيب عشان تمرجن دة مش كتير اطلاقا على السوق
و 100 دولار ما ينفعوش تدخل بيهم قول 500 ممكن ولو انة مازال صعب
نفترض حسابك 100 دولار وجت عليك فترة خسارة مثلا 3 صفقات
الاولى 100بيب بسب خبر والثانية بردت بعد 50بيب وبرضة خسرت 100 والثالثة 100 خسارة و50 تبريد
- أظن دة شىء بيحصل عادى لأى مضارب 3 صفقات خسارة متتاليين منهم 2 قمت بالتبريد
أحيانا الخسارة لو مش منك ممكن من السوق لما يتجن بسسب خبر أو كارثة زلزال او أزمة عالمية -
احسب الخسارة هتلاقيها 400بيب = 40دولار= 40% خسارة
يتبقى كدة 60دولار فى الحساب
يعنى انت عشان تخليهم 100 دولار زى الاول محتاج تعمل 66% مكسب
كدة فى النهاية السوق بقت احتمالاتة احسن منك وبياخد منك أكتر ما بيدليك
ال60د ولار اللى فاضلين منهم 8 مارجن يتبقى لك 52 دولار ممكن تتحرك فيهم
لو نحست فى صفقة أخرى يبدأ العامل النفسى يشتغل مع الطمع فى التعويض والخوف من الخسارة
دا غير ان المكسب مش جايب همّة فتخاطر أكتر وتدخل فى دوامة الخسارة
اسمع منى والله دى خبرة عن تجربة
وأنا تحت أمرك فى أى استفسار فى كلامى

اهلا يا غالي
مشكور على الصراحه
وهذه الملاحظات تكون بناءه ،،

انا لا اريد ان ادافع عن احد ،،
ليش شرط النجاح ان يكون الهدف ضعف الستوب
ولكن هي اسلوب متاجره ممتاز :: ننصح فيه ولكن لا نجبر احد على التقيد فيه
لانو ممكن تكون استراتيجيه تحقق 20 نقطه ولكن تحتاج الى 40 نقطه ستوب ،، وهذا شي طبيعي جدا

ولكن ملاحظتك اننا يجب ان ننتظر السعر حتى يصل الى مستوياتنا الموضوعه على الشارت
هي من اهم الملاحظات
لانها ستجبرنا على وضع الهدف ضعف الستوب
والستوب يكون صغير جدا مقارنه بالهدف

تحياتي يا غالي
السلام عليكم
صح كلامك استاذ معاذ بس دا فعلا لو كانوا شغالين على استراتيجية تجبرهم على ذلك
بس ان الهدف اقل من الاستوب دا بيكون نتيجة دخول من منتصف الطريق وليس عند مقاومة او دعم او ترند
واعتقد ان كتير من اصحاب الورش بيدخلوا من النص ودا السبب الحقيقى
تقبل تحياتى
محمد الخولى

اهلا يا غالي
مشكور على الصراحه
وهذه الملاحظات تكون بناءه ،،

انا لا اريد ان ادافع عن احد ،،
ليش شرط النجاح ان يكون الهدف ضعف الستوب
ولكن هي اسلوب متاجره ممتاز :: ننصح فيه ولكن لا نجبر احد على التقيد فيه
لانو ممكن تكون استراتيجيه تحقق 20 نقطه ولكن تحتاج الى 40 نقطه ستوب ،، وهذا شي طبيعي جدا

ولكن ملاحظتك اننا يجب ان ننتظر السعر حتى يصل الى مستوياتنا الموضوعه على الشارت
هي من اهم الملاحظات
لانها ستجبرنا على وضع الهدف ضعف الستوب
والستوب يكون صغير جدا مقارنه بالهدف

تحياتي يا غالي
السلام عليكم
كلامك صحيح استاذ معاذ بس دا فعلا لو فى استراتيجية تجبره على كده
بس من ملاحظتى ان سبب الاستوب اكبر من الهدف هو ان المعظم ممن يعطون التوصيات يدخلون من منتصف الطريق مش اكتر
وشكرا لمرور ورد حضرتك

السلام عليكم
اخواتى مشرفين ومحللين اف اكس اربيا اشكركم على الرد وعرض وجهة نظركم فى الموضوع
بس بجد انا كنت احاول ان اجد حل معكم لهذه المشكلة
بجد كتير من الاعضاء الاعضاء فى المنتدى يمرون بهذه المشكلة
فى محاولة منى لايجاد حل لخسارة حسابى وحساب الاعضاء
انا عندى فكرة ياريت تلقى قبول حضراتكم وهى افتتاح ورشة جديدة للمليون يشارك فيها كل المحللين والمشرفين
وهى عبارة عن تنفيذ لجدول اكيد مر على حضراتكم من قبل
هو جدول بدايته 300$ ونسبة مخاطرة 5% لكل صفقة
الجدول دا عبارة عن تسلسل للصفقات
كل الصفقات فيه بيكون الهدف ضعف الاستوب
وكل الصفقات بيكون الهف 80 نقطة والاستوب 40 نقطة
وفى هذه الورشة كل مشرف او مححلل ها يشتغل فى الورشة على حده
يعنى مع نفسة
وكل عضو يتابع مع من يحب
وفى هذه الورشة لا يتم الدخول فى اكتر من صفقة او انتين على الاكثر
اتمنى ان تنال الفكرة اعجابكم وانشاء الله نكون نحن تانى منتدى يوصل للمليون بعد مجموعة السلاحف اللى بالفعل هما لسه بداين فى رحلة تانية للمليون
فى النهاية احب اسمع ارائكم
واوجه التحية للروينى وشبرا ومعاذ كيمو ابو عافية وكل من ابدى تعليقه ع الموضوع
وشكرا
تقبلوا تحياتى
محمد الخولى

السلام عليكم
اخواتى مشرفين ومحللين اف اكس اربيا اشكركم على الرد وعرض وجهة نظركم فى الموضوع
بس بجد انا كنت احاول ان اجد حل معكم لهذه المشكلة
بجد كتير من الاعضاء الاعضاء فى المنتدى يمرون بهذه المشكلة
فى محاولة منى لايجاد حل لخسارة حسابى وحساب الاعضاء
انا عندى فكرة ياريت تلقى قبول حضراتكم وهى افتتاح ورشة جديدة للمليون يشارك فيها كل المحللين والمشرفين
وهى عبارة عن تنفيذ لجدول اكيد مر على حضراتكم من قبل
هو جدول بدايته 300$ ونسبة مخاطرة 5% لكل صفقة
الجدول دا عبارة عن تسلسل للصفقات
كل الصفقات فيه بيكون الهدف ضعف الاستوب
وكل الصفقات بيكون الهف 80 نقطة والاستوب 40 نقطة
وفى هذه الورشة كل مشرف او مححلل ها يشتغل فى الورشة على حده
يعنى مع نفسة
وكل عضو يتابع مع من يحب
وفى هذه الورشة لا يتم الدخول فى اكتر من صفقة او انتين على الاكثر
اتمنى ان تنال الفكرة اعجابكم وانشاء الله نكون نحن تانى منتدى يوصل للمليون بعد مجموعة السلاحف اللى بالفعل هما لسه بداين فى رحلة تانية للمليون
فى النهاية احب اسمع ارائكم
واوجه التحية للروينى وشبرا ومعاذ كيمو ابو عافية وكل من ابدى تعليقه ع الموضوع
وشكرا
تقبلوا تحياتى
محمد الخولى

عاوز رد حضراتكم واذا تم القبول سوف يتم فتح الورشة
وهايكون مشارك فيها كلل المحللين بس كل على حده
وهانزل الجدول بالمرفقات

والله نقدك بناء وكلامك معقول
بصراحه انا عن نفسى اجد صعوبة كبيرة انى اعمل هدف ضعف الستوب..ده ممكن يحصل فقط فى حالة الارتدادات على الفريمات الكبيرة ززى كده اليورو يوم الخميس لما وصل لمقاومة قوية ممكن تنزله الفين نقطة فى ناس "وانا كنت عامل زيهم لكن مكملتش"دخلت الصفقة دى بستوب 10 نقط فقط ومحققة دلوقت ارباح 160 نقطة.
لكن الحالة دى مش بتتكرر كتير كما ان ضرب الستوب بذيل صغير امر وارد بشدة لذلك استوقفتنى كلمة "كيمو"بأن هذا ينم عن قله ثقة فى الصفقة لما احط ستوب اضعاف الهدف..بالعكس لما بتحط ستوب اضعاف الهدف فانت متأكد من مسار السعر ومش عاوز تديله فرصة يضرب ستوب ويروح للهدف زى ما بيحصل كتير اوى.
من يدخل الصفقات اعتمادا على الكسر "وهو النوع اللى افضله"لازم هيحط ستوب اكبر من الهدف وهى مشكلة بصراحه
لكن رأيى انا الشخصى..ستوب بعيد وميتضربش احسن من ستوب قريب ويتضرب

عاوز رد حضراتكم واذا تم القبول سوف يتم فتح الورشة
وهايكون مشارك فيها كلل المحللين بس كل على حده
وهانزل الجدول بالمرفقات


فكرة حلوة يا محمد بس عاوزين شوية تنظيم وجداول عمل وان شاء الله تظبط

والله نقدك بناء وكلامك معقول
بصراحه انا عن نفسى اجد صعوبة كبيرة انى اعمل هدف ضعف الستوب..ده ممكن يحصل فقط فى حالة الارتدادات على الفريمات الكبيرة ززى كده اليورو يوم الخميس لما وصل لمقاومة قوية ممكن تنزله الفين نقطة فى ناس "وانا كنت عامل زيهم لكن مكملتش"دخلت الصفقة دى بستوب 10 نقط فقط ومحققة دلوقت ارباح 160 نقطة.
لكن الحالة دى مش بتتكرر كتير كما ان ضرب الستوب بذيل صغير امر وارد بشدة لذلك استوقفتنى كلمة "كيمو"بأن هذا ينم عن قله ثقة فى الصفقة لما احط ستوب اضعاف الهدف..بالعكس لما بتحط ستوب اضعاف الهدف فانت متأكد من مسار السعر ومش عاوز تديله فرصة يضرب ستوب ويروح للهدف زى ما بيحصل كتير اوى.
من يدخل الصفقات اعتمادا على الكسر "وهو النوع اللى افضله"لازم هيحط ستوب اكبر من الهدف وهى مشكلة بصراحه
لكن رأيى انا الشخصى..ستوب بعيد وميتضربش احسن من ستوب قريب ويتضرب


اهلا يا اخ طارق

كلامك مظبوط بس انا اقصد لو انت عارف ان السعر ممكن يعكس عليك 100 نقطة مثلا فبتخش دلوقتي ليه؟

ماتنتظر لما يوصل للنقطة بتاعتك وتدخل صفقتك وانت مطمن وتحط استوب 20 نقطة مثلا امان بدل متدخل في نص الطريق

حتقولي مانا لو استنيت لما يوصل للنقطة دي ممكن ميوصلش ويحقق هدف الصفقة اقولك خلاص قدر الله وماشاء فعل وخيرها فغيرها

انما لو دخلت مثلا في النص وحطيت الاستوب 130 نقطة مثلا ممكن ولاقدر الله انضرب الاستوب وغير السعر اتجاهه فالخساره بتبقي كبيرة

واشهر الموصيين في الوطن العربي بيدي التوصية باستوب 20 نقطة والهدف 200 نقطة وفي مرة كان الاستوب 5 نقط فقط !!

انا عارف انها صعبة شوية ان الواحد يوصل للمرحلة دي بس بالعلم والتدريب ان شاء الله الواحد يقدر يعمل كده

السلام عليكم اهلا اخي محمد

والله يا غالي انا اجد صعوبه كبيره في السوق الفتره الماضيه

ولكن هل السبب مني ؟ لا اعتقد لاني ملتزم ب استراتجيه ومشتغلش علي اتنين في وقت واحد

ويوجد شروط ويتم تحقيقه وبردو الاستوب لوز يضرب وانا مفيش صفقه بدخلها غير لما ادخل عليه

يعني مأذيش حد او افيد حد غير لما باكون في الصفقه

المشكله يا خولي انك مينفعش تحط رقم عشوائي

يعني انتا عايز تعمل رحله بحساب صغير وانا معاك وهعمل الموضوع ده بدايه الاسبوع الي جي وهيكون مخاطره قليله ان شاء الله

لكن معلومه صغيره

الاستوب لوز والهدف يتم وضعهم علي اساس الدعوم والمقاومات

يعني صفقه شراء الهدف بيكون قبل المقاومه ببعض النقاط والاستوب اسفل الدعم ب 10 نقاط

ده الي بحدد عليه الصفقات

وان شاء الله هفتح ورشه قريبا والبدايه 100 دولار وربنا يوفقنا ان شاء الله

تحياتي لك

السلام عليكم استاذ منشاوى
تحية طيبة وبعد
اولا مش عاوزك تكون زعلان من كلامى (عتاب اخ لاخوه) بالاضافة اننى اثق فى تحليلك وكمان ال600 نقطة الخسارة انا اصلا مكنتش معاك فيهم
بالنسبة لادارة راس المال الصحيحة انا اعلمها جيدا واعرف انها اهم سر فى نجاح الفوركس
بس فى مشكلة كبيرة الا وهى الورش المفتوحة الورش المفتوحة الرصيد ب 10000 وقيمة النقطة ب1 دولار
والكل يعلم ان دا اقل بكتير من الادارة الصحيحة كل المواضيع بتقول ان ال100$ نشتغل ب 10 سنت
يعنى انت محتاج 1000 نقطة خسارة علشان الرصيد يصفر وانت بالادارة اللى شغال بيها واللى كل الورش شغالة بيها اقل عشر مرات من المفروض واللى متعارف يعنى باختصار المفروض دكتور اسامة يخلى حساب الورشة
الف مش عشرة الاف لو انا فاتح حساب ب 100$
نجيب منين شركة بتتعامل ب واحد سنت
خصوصا ان كلالمضاربين الجدد هو دا المبلغ اللى بيفتحوا بيه
واعتقد ان مبلغ 1000 دا كبير بالنسبة لهم
وبالنسبة لعدم تحديد ستوب فالدكتور اسامة سمح بيه بشرط ميكونش موجود انحناء جامد للمنحنى
على فكرة انت اول واحد ارد عليه رغم ان مش انت اول واحد عامل تعليق
بس محبتكش تكون زعلان منى
تقبل تحياتى
محمد الخولى

كلام سليم ولا غبار عليه
قيمة العقود بالنسبة لرأس المال في الورش الموجودة معادلة غير متكافأة أبدا

فكرة حلوة يا محمد بس عاوزين شوية تنظيم وجداول عمل وان شاء الله تظبط





اهلا يا اخ طارق

كلامك مظبوط بس انا اقصد لو انت عارف ان السعر ممكن يعكس عليك 100 نقطة مثلا فبتخش دلوقتي ليه؟

ماتنتظر لما يوصل للنقطة بتاعتك وتدخل صفقتك وانت مطمن وتحط استوب 20 نقطة مثلا امان بدل متدخل في نص الطريق

حتقولي مانا لو استنيت لما يوصل للنقطة دي ممكن ميوصلش ويحقق هدف الصفقة اقولك خلاص قدر الله وماشاء فعل وخيرها فغيرها

انما لو دخلت مثلا في النص وحطيت الاستوب 130 نقطة مثلا ممكن ولاقدر الله انضرب الاستوب وغير السعر اتجاهه فالخساره بتبقي كبيرة

واشهر الموصيين في الوطن العربي بيدي التوصية باستوب 20 نقطة والهدف 200 نقطة وفي مرة كان الاستوب 5 نقط فقط !!

انا عارف انها صعبة شوية ان الواحد يوصل للمرحلة دي بس بالعلم والتدريب ان شاء الله الواحد يقدر يعمل كده

لايك يا كيمو والله كلام معقول جدا وبالفعل فى شركات توصيات تعمل على الستوبات الصغيره جدا لكن لا تنكر ان اغلب الصفقات تضرب ستوب وممكن يعتمدوا على ان توصيه واحده تكسب من 10 توصيات مثلا.
عموما هى وجهة نظر جميله خاصه انك رديت من قبل مانا ارد لما قلت"ممكن ميوصلش للهدف"
بس تقريبا انا اتعقدت لأنى لم استفد من صعود الاسترالى ال300 نقطه الاسابيع الماضيه بسبب ان الصفقة لم تفعل على ربع نقطه:1 (26):
واظن الناس اللى بتعمل توصيات بستوب 5 نقاط دى بتحلل كل الفريمات بما فيهم فريم الدقيقة عشان يعرفوا يحطوا توصيه بهذا الشكل

السلام عليكم اهلا اخي محمد

والله يا غالي انا اجد صعوبه كبيره في السوق الفتره الماضيه

ولكن هل السبب مني ؟ لا اعتقد لاني ملتزم ب استراتجيه ومشتغلش علي اتنين في وقت واحد

ويوجد شروط ويتم تحقيقه وبردو الاستوب لوز يضرب وانا مفيش صفقه بدخلها غير لما ادخل عليه

يعني مأذيش حد او افيد حد غير لما باكون في الصفقه

المشكله يا خولي انك مينفعش تحط رقم عشوائي

يعني انتا عايز تعمل رحله بحساب صغير وانا معاك وهعمل الموضوع ده بدايه الاسبوع الي جي وهيكون مخاطره قليله ان شاء الله

لكن معلومه صغيره

الاستوب لوز والهدف يتم وضعهم علي اساس الدعوم والمقاومات

يعني صفقه شراء الهدف بيكون قبل المقاومه ببعض النقاط والاستوب اسفل الدعم ب 10 نقاط

ده الي بحدد عليه الصفقات

وان شاء الله هفتح ورشه قريبا والبدايه 100 دولار وربنا يوفقنا ان شاء الله

تحياتي لك

السلام عليكم
انا عارف يامصرى انك اى صفقة بتنزلها ع الورشة بتكون داخل فيها الاول على حسابك الحقيقى
وان الخسارة دى مش عيب دى طبيعة السوق
وايضا لقد كسبنا منك الكثير كنا نعمل اكتر من 100 نقطة يوميا قبل توقف الورشة
بس مش دى المشكلة الخسارة
لكن انك وكل اللى فاتحين ورش بيكون الهف اقل من الاستوب والمفروض العكس
وانا معاك انشاء الله فى الورشة الجديدة
مش عاوزك تكون زعلان منى
ولو عاوز الجداول اللى بدايتها 300 $ ممكن ابعتهالك
تحياتى محمد الخولى