مساء الخيررررررر يااهل الخيررررررررر

بصراحه ياجماعه انا مش لاقيه عنوان

انا بقالى فتره معملتش مواضيع

وقولت اجى اتكلم معاكم شويه

وحالا هتقولوا ياريتها ماتكلمت هههههههههه

انا عارفه نفسى نكديه من الدرجه الاولى

انا حاسه ان الحياه بقت غريبه ومفيش حد مرتاح والكل عنده مشاكل وصعوبات فى حياته

اللى بيزهق ويكرهه حياته واللى بيتحمل وفجأة بيزهق و اللى

مستسلم للمشاكل واللى كاتم فى نفسه وساكت و فى ناس

ربنا بيقدرها وعندها صبر لكن هيا فين الناس دى ؟؟

بقت قليله اوى وانا مش شايفاهم فى حياتى


بصراحه الواحد حاسس انه فى متاهه كبيرة اوى

هو احنا اللى متخيلين كده ولا الحياه حلوة

واحنا مش قادرين نعيشها ولا احنا اللى بنحط المشاكل ادامنا

بصراحه مش عارفه ومش فاهمه فى ايه

طيب لو بنتكلم عن الاحلام والامنيات

فى ناس كتير بتحلم بالحب

وناس بتحلم بالجواز

وناس بتحلم بالشغل

وناس بتحلم بالسفر

وناس بتحلم براحه البال

( لو بطلنا نحلم نموت )

انا بقول لو بطلنا نحلم هنعيش واحلى عيشه كمان

ممكن اكون غلط لكن ............ هى دى الدنيا


عمالين نحلم ونتمنى وندعى ربنا يحققها

لانه هو الوحيد اللى حاسس بينا

انا عارفه انى عامله زى المعقدين

وعشان بحبكم حاسه انى نفسى اتكلم واحكى من غير تردد

هنفضل لحد امتى ( مخنوقين) , ( زهقانين ) ( عصبيين )

احنا عاوزين ايه ........... ؟؟؟

احنا طماعين !!

عاوزين كل حاجه

ويمكن ده سبب الزهق ( انا مش فاهمه حاجه)

<<<
<<
<

اقولكم على حاجه حلوة


سيبكم من كل الكلام اللى فووووووق ده


ممكن دقيقه نتكلم من قلبنا


وكل واحد يحكى


هو بيفرح من ايه ؟

وبيزعل من ايه؟

بيتمنى ايه من الدنيا دى؟

بيحلم بأيه ؟

او محتاج ايه ؟ عشان تحس انك مرتاح http://forums.myegy.com/images/new.smiles/confused1.gif

انا عارفه ان اغلبيه الناس بيخجلوا انهم يصارحوا بخصوصياتهم

لكن اتكلم لو حسيت ان الكلام هيريحك