بجد مش عارفه ابتدى الكلام منين
ولا حتى أقول ايه...!!!
كل اللى انا شيفاه
ان كل صحابى او اكثر صحابى اللى هنا
بيقوا حزين جدا ومش عارفه اعمل ليهم ايه...!!!
ياترى ده بقى حال الزمن والدنيا
الحزن عاده معانا
ولا ده علشان ايه...!!!
اللى بستغرب منه
ان اكتر ناس كانت بتضحك
واكتر ناس كانت تقول الحزن لا
مش هقدر اقول اسامى علشان مش فيه حد يزعل
بس زمان عملت توبيك حزين اوى
دخل عضو\عضوة قال (اضحك الصورة تطلع حلوة)
ده نفس الشخص دلوقت اللى مش قادر حتى يتكلم

مش هقول ليه بقينا كده

هقول نبص للى جى علشان مش يضيع منا زى الماضى

فيه مقوله جميله جدا سمتعها بتقول

نحن نحب الماضى لانه ذهب
وان عاد لكرهتوه

فعلا ان دايما بنحب الحاجات اللى بتجيب لينا وجع القلب
بنيضيع حاجات كتير منا
وبعدين نندم عليها
زى دلوقت بالضبط
بضيع وقت كتير فى الحزن والدموع
فى يوم هنندم اننا بكينا على حاجات مش تستاهل
او ضيعنا وقت على الفاضى
الحزن مش هيرجع اللى راح
بس الامل ممكن يخلينا نعيش تانى عارفه ان فيه حاجات كتير
من الصعب تتعوض ولو راحت مستحيل تعود
بس احنا لو فضلنا نبكى ونندم عليها
هنضيع منا اللى فاضل

كفايه حزن بليز
كفايه دموع
كفايه ..... كفايه http://forums.myegy.com/images/new.smiles/crying.gif http://forums.myegy.com/images/new.smiles/crying.gif

بصوا لو اللى خلانا كده اللى بيحصل حوالينا

كن عبيطا ترى الوجود جميلا

مش عارفه بقى
ازعل على حزن صحابى
ولا ابكى على حالى
ولا أقول ده بقى حال زمانى

انا ماشيه على منطق كويس اوى
وريحنى جدا
بقيت انفض لكل حاجة وكل الناس
بقيت مش افتكر غير انى أضحك بس
بمعنى أصح بمثل السعاده
يمكن فى يوم اتعود عليها

من وجهه نظرى السعاده فى راحه البال والضمير
وبدل ما انتم ضميركم مرتاح
ومش بتعمل حاجة تغضب ربنا او ظالم حد
يبقى ايه حاجة تانيه عادى بقى

بلاش العمر يضيع نندم على شويه ذكريات
الذكريات ديه ممكن نعمل زيها تانى

بلاش يضيع نبكى على ماضى مستحيل يعود
ده بنضيع منا الحاضر والمستقبل

وفى لحظه هتفوق وتعرف ان ظلمت نفسك
وتنندم على الوقت ده