مشاهدة النسخة كاملة : سر الفوركس مع العبد لله (احمد نوح ) (ملخص)
ahmednoooh
03-02-2012, 12:00 AM
ان شاء الله بعد النجاح الذى حققتة استراتيجية (http://fx-arabia.com/vb/showthread.php?t=21471)شموع احمد نوح بفضل الله
انا باحضر لموضوع فية ان شاء الله اهم سر فى الفوركس (http://www.fx-arabia.com/vb/www.fx-arabia.com)من وجة نظرى المتواضعة باذن الله تعالى
بس محتاج
1- شوية تركيز حسابية
2- الجديد انها مش توصيات (http://www.fx-arabia.com/vb/forumdisplay.php?f=36) بل بالعكس كل واحد فينا هو اللى يحدد نقطة دخولة و نقطة خروجة
3- هل تستطيع التنبؤ باذن الله تعالى بالاماكن اللى هيروح لها السعر بكرة ؟ ان شاء الله نسطيع
4- هل استطيع ان اضع كل عقودى و صفقاتى مرة واحدة فى اليوم ....نعم ان شاء الله تسطيع
5- هل استطيع الحصول على عدد لا بأس بة من النقاط .... ان شاء الله نستطيع
ان شاء الله كل هذا سوف اشرحة ببساطة و منتهى اليسر فى فترة استراحة الفوركس (http://www.fx-arabia.com/vb)غدا مساءا او بعد غد السبت
الذى هو ان شاء الله ليلة مولد رسولنا و حبيبنا صلى الله علية و سلم .....( كل عام و انتم جميعا بخير)
* جارى تحضير فيديو بسيط لتسهيل الشرح النظرى ان شاء الله
**عايز الموضوع يولع و اشوف احلى لايكات و الاهم من كل دة
دعواتكم لى ...و دعواتكم الى شهداء بورسعيد ,,, و دعواتكم الى شهداء المسلمين جميعا
ahmednoooh
03-02-2012, 02:45 AM
الحمد لله بعد نجاح شموع احمد نوح ,,, قررت ان استكمل عليكم اهم سر فى الفوركس من وجة نظرى المتواضعة ... طبعا كله اجتهادات شخصية و الله يعلم
الموضوع و بكل بساطة فية فكرة من عجلة جان ( مربع التسعة ) اللغز الذى حير الجميع و الذى يعتمد على القمم الحقيقية على المدى البعيد و القيعان الحقيقة على المدى البعيد ,,, و زواياه المتعددة ........... الخ
اكيد كلنا عارفين جان و الكلام اللى هاقولة مش جديد و لكنى بكل بساطة حاولت استغلة لصالحنا باسهل ما يمكن و بفكر جديد طب ازاى يا عم الحاج ؟
مش هناخد من جان الا حاجتين و نقولة كتر خيرك يا عم جان اية هما ؟
1- زاوتين 25 و 50
2- الطريقة الحسابية للقمم و القيعان ؟
طب احنا هنعمل اية ( مشروح فيديو ) لكنى هاقولة نظريا
1- نيجى على اليوم السابق على فريم الساعة و بعد الاغلاق
2- نحدد اعلى هاى فى اليوم و نرسم علية خط افقى
3- نحدد اقل لو فى اليوم و نرسم علية خط افقى
4- نطبق حسابية جان مرتين على الهاى و مرتين على اللو ؟؟؟ مش فاهم حاجة يا عم الحاج ازاى . ممكن توضح ؟ نعم ممكن
مثال بسيط لو ان اعلى هاى كان 1.3426 نحسبها ازاى اقولك يا سيدى
سيبك من الواحد الصحيح و الكسر تعالى بقى على 3426
ناخد الجذر التربيعى ثم علشان (هاى ) (نطرح ) منها مرة 0.25 و مرة 0.50 و نربعة تانى ؟؟؟ و الله ما انا فاهم يا عم الحاج ........و الله كلو مشروح فيديو لكن انا هاقولة تانى
** 3426 √ = 58.5 – 0.25 = 58.25 (اضرب الرقم فى نفسة) = 3393 هو دة يا عم
كمان مرة 3426√= 58.5 -0.50 = 58 (اضرب الرقم فى نفسة ) = 3364 هو دة يا عم
نفس الكلام اللى فات بالظبط على اللو ....... لكن بدال ما بنطرح هنجمع يعنى ( +0.25 ,,, +0.50)
طيب اية اللى استفدناه ... هيطلعلك 4 مستويات هامة جداااااا غير القمة و القاع ( شوف انت مدى احترام السعر لهم ) و شوف بنفسك العجب
طيب اعمل اية هنا بقى يجيى تفتيح المخ لأن الكلام دة كنز علية تراب و الله .. كل واحد فيكوا يعمل باك تيست و يشوف و يتعب شوية اية اللى بيحصل للمستويات دى فى اليوم اللى بعدو يدقق شويتين هيعرف ساعتها يدخل امتى و هدفة اية و انا نوهت بشكل سريع ممكن نعمل اية مع المستويات دى
ياللا بلاش كسل كل واحد يقوم حالا يجرب و يتعب و يقولنا هو هيعمل اية و اية اللى شافة
و انا مستنى اشوف كل واحد فكر ازاى علشان نستفيد فى النهاية كلنا
و اى حاجة انا موجود معاكوا يا اخوان باذن الله
اللى لسة مش فاهم و اللى فاهم برضة .......اليكم الفيديو
http://www.youtube.com/watch?v=XMQgVtPN95o
ahmednoooh
03-02-2012, 05:30 PM
اليكم نتائج صفقات اليوم اللى وضعتها بعد اغلاق شمعة الساعة 12 على اربع عملات ......قولوا ما شاء الله
و ياللا يا شباب ورونا شغلكوا وكمان ورونا وصلتوا لأية ؟
http://im20.gulfup.com/2012-02-03/1328278848161.jpg
ahmednoooh
03-02-2012, 05:43 PM
بصوا شوفوا الجمال على شارت اليورو دولار امبارح و اليوم مع المستويات الاربعة + الهاى و اللو
الشارت فعلا بيتكلم .....قولوا ما شاء الله
http://im15.gulfup.com/2012-02-03/1328280174391.jpg
• فهد •
03-02-2012, 10:29 PM
بصوا يا رجالة .. هجيبلكوا من الاخر .. طريقة الدخول كالاتى:
1- اعتقد طريقة رسم المستويات سهلة واحمد وضحها فى اول الموضوع اننا بنشتغل على زوايا 45 & 90 لجان
2- ندخل على اليوم الحالى وطريقة الدخول هتبقى زى الصورة بالظبط ... هشرح الطريقة اسفل الصورة
http://img688.imageshack.us/img688/2083/86591801.jpg
3- هنلاحظ ان الشكل هيبقى بالصورة دية غالبا .. المستويات العليا قريبة من اعلى سعر والمستويات السفلى اقرب من اقل سعر
4- نيجى على جزئية الدخول والخروج (الاهداف/الاستوب) اولا نعمل صفقات معلقة sell stop & buy stop
الصفقات تكون على المستويات اللى حسبناها (اللون البنفسجى) ونعمل الهدف 10 نقاط والاستوب 10 نقاط
بعد المستوى شوف الصورة الجاية
http://img585.imageshack.us/img585/4523/82783651.jpg
5- بعد عمل back-test لقيت ان الـ 10 نقاط صعب اوى انه ميحققهمش (علشان شغالين على فريم الساعة)
وهنلاقى نسبة النجاح تقريبا 80% الى 90%
6- عدد الصفقات على الزوج الواحد كثيرة (يعنى ممكن توصل لـ 6 صفقات باليوم) يعنى قول تقريبا 5 صفقات ناجحة وواحدة فاشلة
7- لو عملنا حسبة سريعة:
عدد الصفقات الرابحة "5" - عدد الصفقات الخاسرة "1" >> عدد النقاط المكسب = (5-1)*10 = 40 نقطة
طبعا شغالين على زوج واحد فقط
يعنى من الاخر استراتيجية من الاخر ... لو عجبك البوست دوس لايك :1 (114):
لو فى اى سؤال اتفضل اسأل براحتك .. أخوكم فهد
ahmednoooh
03-02-2012, 11:18 PM
شوفو الجمال و الحلاوة على شارت الاسترالى دولار امبارح كان اية و مستويات اللى عملناها عاملت اية النهاردة .....قولوا ما شاءا الله
http://im17.gulfup.com/2012-02-03/1328300219851.jpg
مدير الموقع
07-02-2012, 10:51 AM
السلام عليكم و رحمة الله و بركاته
الاخوة الكرام المتابعين للموضوع و الاخ الرائع احمد نوح..
اسمحوا لى ان اقول رائى بشكل مفصل شوية و ان يتسع صدركم..
هذه الطريقة تقوم على حساب مستويات جان و اجتهد الناس فى معرفة مستويات جان و ليس من جان نفسه,اوكى نتفق الطريقة جيدة و فيها بعض العيوب و تحتاج الى بعض الفلاتر التى ستجعلها استراتيجية اقوى..
يجب دمج هذه الطريقة مع مستويات فيبوناشى لان فيبوناشى هو اصل التحليل الرقمى..
ارسم مستويات جان على الهاى و اللو لليوم (و افضل الاسبوعى)
ارسم مستويات فيبوناشى على الشمعة فقط اى لو كانت الشمعة صاعدة اسحب فيبوناشى على الشمعة من تحت لفوق و العكس لو هابطة..
استخرج مستويات التطابق بين مستويات جان و مستويات فيبوناشى و راقب حركة السعر عند المستويات المتقاربة او المتوحدة ستجد شيئا عجيبا..
جرب هذه الطريقة على الاسبوعى ايضا ستكون الارتدادات اكبر نسبيا و الاهداف افضل..
بالنسبة لمشكلة الستوب لوز فى هذه الاستراتيجية و هو واضح جدا و لن تفلح هذه الطريقة بدون اهداف كبيرة نسبيا لان عشرة نقاط هدف ستودى بحياة حسابك طالما انه لا يوجد ستوب لوز..
من وجهة نظرى ان الدخول سيكون مع الاتجاه العام من المستويات المتطابقة بين الاثنين و الستوب لوز يكون تحت المستويات التى تجدها واحدة..
الدخول بشكل مستمر طوال اليوم باهداف 10 بيب و ستوب لوز مفيش مش حتكون كويسة.
راجعوا السابق و ياريت لو حد يجربها و يعمل باك تست ليها حيث ان ميزة الرقمى هو عمل باك تست بشكل ناجح.و اعتقد ان الافضل الحساب على الخمسة كسور عشرية و ليست الاربعة .
طلب اخير اعتقد ان اسم الموضوع لا يطابق محتواه فالاخ احمد نوح باجتهاداته الرائعة و تقديمه هذا العمل الرائع فى اف اكس ارابيا و مساعدة اخوانه لكنه لم يتوصل الى سر الفوركس بعد و قد ينزعج الناس من عنوان الموضوع و الطريقة لازالت تحت التجربة لذا اعتقد انه من الافضل تغيير عنوان الموضوع بما يتماشى مع المحتوى..
تحياتى و موفقين ان شاء الله.
• فهد •
09-02-2012, 03:24 AM
يا شباب انا توصلت لحاجة وقلت اخد رايكوا فيها لو حد حابب يجربها
دلوقتى احنا هنشتغل بالطريقتين: التحليل الفنى الكلاسيكى والتحليل الرقمى لمستويات جان مستوى 45 و 90
يعنى هنحدد بالتحليل الفنى العادى ثلاث اشياء:
1- اتجاة السعر فى اخر شهر (صعود ولا هبوط)
2- رسم قناة للسعر وتحديد الحيز اللى السعر بيطلع وينزل فيه
3- اهم المقاومات والدعومات
هنحدد بالتحليل الرقمى لمستويات جان المستويات الستة اللى كنا شرحناهم فى اول الموضوع
ومن هنا هنبدأ الشغل
اولا انصح بالعمل مع الترند لانى كنت شغال بيع وشراء فى نفس الوقت وكان مثلا الشراء يكسب والبيع يتعبنى كام ساعه علشان عكس اتجاة السعر
يعنى هنشتغل كالاتى: نشوف اتجاة السعر والقناة وبعدين نحدد المستويات الستة لليوم الحالى ونعلق صفقات مع الاتجاة والدخول من قطع المستويات الستة لجان
والهدف حسب كل واحد انا بحطة 5 نقاط .. ومش بحط استوب الا فى الصفقات اللى بتعكس جامد بحط الاستوب عند الدعومات اللى لو كسرها هيستمر فى الهبوط
اتمنى انى اكون وضحت فكرتى .. ادعولى بالتوفيق فى هذا السوق الشيق جدا
أخوكم فهد