السلام عليكم ورحمة الله وبركاته


ان شاء الله هنشرح مناطق العرض والطلب فى الموضوع ده بطريقة مبسطة
مناطق العرض والطلب :هى المناطق التى يكون عندها اوامر البيع او الشراء
لصناع السوق والتى منها يشهد السوق تحركات قوية فى اتجاه محدد
نظرا لوجود صانع سوق دخل بعدد عقود كبير فى اتجاه معين .

يعنى باستخدامك مناطق العرض والطلب
هتبقى بتتاجر مع القوة الكبرى فى السوق ده
وتدخل معاهم فى العقود اللى بيدخلوها .

مناطق العرض والطلب نقدر تقول عليها مرحلة متقدمة من الدعوم والمقاومات
لكن تكون عبارةة عن مستويات
وليست نقطة ثابتة كالدعوم والمقاومات .

وليس اى منطقة دعم او مقاومة تعتبر منطقة عرض او منطقة طلب .

منطقة العرض هيا المنطقة اللى بيدخل من عندها صناع السوق صفقات البيع
اى ان الاتجاه يتحول الى هابط عندها .

منطقة الطلب هيا المنطقة اللى بيدخل من عدها صناع السوق صفقات الشراء
اى ان الاتجاه يتحول الى صاعد بعدها .

نبتدى بقى ندى امثلة للمناطق دى وازاى نعرفها على الشارت
ونتعامل معاها
ونعرف المناطق القوية والمناطق الضعيفة .

عاوز اوضح فى الاول ان احنا مبندخلش مع المستويات دى من اول مرة لكن صناع السوق
بيكونوها واحنا بندخل منها
لما الاسعار توصلها تانى مرة .

ايه بقى المعايير اللى بنحدد عليها مناطق العرض والطلب دى ؟؟

http://www5.0zz0.com/2015/06/30/05/453464860.jpg
فى الصورة السابقة شايفين السعر اتحرك ازاى من عند المنطقة المظللة !!!

دى بقى اللى بنسميها منطقة طلب .


طيب نركز بقى فى الصورة اللى جاية .

http://www5.0zz0.com/2015/06/30/05/313482160.jpg

شايفين السعر ازاى اتجرك هبوطا من عند المنطقة المظللة وبعدين صعد تانى واول ما لمسها هبط تانى بسرعة قوية .

احنا بقى دخولنا دايما بيكون مع اللمسة التانية دى
والستوب بتاعنا فوق المنطقة
والهدف بيبقى اضعاف الستوب .

الشارتات الجاية دى بقى هتبقى مجرد امثلة وبعد كده نقول المعايير اللى بنحدد وبنقيم بيها مناطق العرض والطلب .

http://www12.0zz0.com/2015/06/30/05/697733985.jpg

http://www12.0zz0.com/2015/06/30/05/803009569.jpg

http://www12.0zz0.com/2015/06/30/05/455252976.jpg
http://www4.0zz0.com/2015/06/30/05/802292535.jpg

دلوقتى بقى هنبتدى الشرح المهم واول حاجة لازم نعرفها هيا النماذج اللى موجودة عندنا فى العرض والطلب .

اول نموذج معانا هو

rally - base - rally

http://www4.0zz0.com/2015/06/30/05/802292535.jpg

معنى النموذج هو ان بيتم صعود قوى ثم مرحلة ذبذبة ثم يتم استكمال الصعود
والنموذج موضح بمثال فى الصورة السابق

تانى نموذج معانا هو rally - base - drop

ومعناه هو صعود قوى ثم ذبذبة ثم هبوط قوى والعودة الى منطقة الطلب .
وموضح النموذج فى الشارت القادم .
http://www13.0zz0.com/2015/06/30/06/871394078.jpg

النموذج الثالت هو drop - base - drop
وهو نموذج خاص بمناطق العرض وليس الطلب ومعناه هو هبوط قوى ثم ذبذبة ثم استمرار الهبوط
وموضخ فى الشارت القادم .

http://www6.0zz0.com/2015/06/30/06/932899354.jpg
النموذج الرابع والاخير هو : drop - base - rally

وهو يكون هبوط ثم ذبذبة ثم الصعود مرة اخرى الى منطقة العرض .

http://www13.0zz0.com/2015/06/30/06/620352377.jpg
نيجى بقى للمعايير اللى بنقيم عليها المناطق ومدى فعاليتها وقوتها وضعفها :

عندنا اول حاجة قوة الحركة من المنطقة : كلما كانت الحركة قوية من المنطقة اصبحت المنطقة اقوى
اى انه يجب ان تكون الحركة قوية بمعنى انه يجب ان يكون هنا على الاقل اربع شموع صاعدة متتالية
او اكثر حتى تصبح المنطقة فعالة اى انه اذا وجدنا مثلا اربع شموع صاعدة او اكثر
فتصبح المنطقة منطقة طلب
ونشترى عندما يعود السعر اليها

اما اذا كان هناك اربع شموع هابطة فاكثر
تصبح المنطقة منطقة عرض ونبيع عندما يصل السعر اليها مرة اخرى .
وكلما زاد عدد الشموع فى اتجاه معين تكون المنطق اقوى .

عدد مرات اختبار المنطقة :

بمعنى انه اذا وجد لدينا منطقة عرض مثلا فنحن نبيع عندها فيهبط السعر فنخرج على المكسب
لكن اذا صعد السعر مرة ثالثة الى المنطقة فلا يتم الدخول بيع مرة اخرى ل
انه اذا زادت عدد مرات اختبار المنطقة تضعفف المنطقة مع كل مرة
ويتم كسرها فى النهاية والعكس صحيح فى حالة منطقة الطلب .

توافق الفريمات : يجب ان يكون هناك توافق بين الفريمات على عملية البيع او الشراء .

مثال : تم تكوين منطقة طلب على فريم اليومى
ونستعد للشراء فيجب النظر اولا الى الفريم الاكبر منه وهة الاسبوعى
والبحث عن اشارة عليه تدعم الدخول شراء ايضا فاذا وجدت منطقة طلب ايضا عليه
او اى اشارت تدعم الصعود تكون الفرصة صحيحة ويتم الدخول فى الفرصة
ولكن اذا وجد ان الفريم الاكر يعطى اشارة مغيرة لفريم اليومى
لا يتم الدخول فى الفرصة للتضارب وعد التوافق بين الفريمات .


ملحوظات :
* ميزة مناطق العرض والطلب ان الهدق دائما ما يكون اضعاف الستوب
حيث ان صفقة واحدة ناجحة تعوض 4 صفقات خاسرة او اكثر
* تتيح لك الدخول من المناطق التى يتحرك منخا السعر بقوة وتكون مع صناع السوق
* يتم رسم حدود المنطقة على هاى ولو الشمعة التى سبقت بداية تكوين المنطقة
* يجب جدا مراعاة التوافق بين الفريمات وقوة المنطقة وعد الدخول الا عند اكتمال الشروط
* * لا يتم الدخول من منتصف الطريق ابدا فلا تدخل الا اذا كان السعر فى منطقة عرض او طلب

طبعا ده كان شرح مبسط جدا لمناطق العرض والطلب
ولسه فيه فيها كتير جدا نحاول نشرحه مع الوقت ان شاء الله
ولو فى اى حد شايف حاجة غير مفهومة ويقولى وانا ان شاء الله اوضحاله بطريقة بسبطة
لحد ما يتقن الطريقة تمام .

وبالتوفيق للجميع ان شاء الله
اخوكم : احمد اسامة

الفوركس فى شمعتين (http://www.fx-arabia.com/vb/showthread.php?p=812397#post812397)